小魚兒 (金馬大廈)

營業中

休息中

有時候兩個麻甩佬，一齊去食飯，可以豪氣一啲，比如碟餸可以大大盤，飲品可以大大份。辣度可以大大辣。咁先夠過癮。 🍖叫咗條烤魚，系海鱸魚嚟嘅，肉質結實，但亦都不乏滑嫩，唔會太多骨，啖啖肉，而且鱗片亦都批得好乾淨，所以好容易入口。叫咗大辣，就可以感受到越食越過癮嘅滋味。開頭食嘅時候，香料仲未完全滲入材料，梗系小兒科。呢個時候最啱食嗰啲配菜，比如皇帝菜，木耳咁。去到後尾越嚟越入味，鐘意食辣嘅人即係我就會大叫好玩，唔太受到嘅，最好一開始就唔舉白旗要小辣。如果唔係，呢個時候另外嘅配菜，豆腐同埋菠蘿就最可以幫到手。豆腐密度高，所以辣汁唔容易滲入，菠蘿嘅香甜味就絕對系解辣嘅好幫手。 🍖當然提升到享受辣味嘅最好配搭就梗系啤酒啦。而我哋更加系叫咗啤酒塔，食咗一啖辣，飲翻一啖酒，成件事鋸曬。 今晚我哋man足一晚！