影片
更多
2022-12-22
956 瀏覽
係中環番工，當然私心講多啲中環餐廳，特別係新餐廳，呢間Mato，連OpenRice 都未有，新鮮滾熱辣推薦俾大家Mato店子小小，但眼光宏大，取Omakase的概念來個啡酒發辦，因應你嘅喜好同埋食物，推薦相應嘅咖啡同酒俾你。最重要係呢度有勁豐富嘅啡酒選擇，勁多唔同嘅特別咖啡豆，例如今個月就可以有丹麥嘅知名咖啡烘焙品牌，保證你有與別不同嘅選擇。我覺得最好嘅係呢度嘅wine selection，小店來講真係好多wine choice，要推介嘅係佢哋有個葡萄酒放題，兩小時$350任飲六款唔同嘅葡萄酒，佢地嘅選擇都係一啲嶄新嘅獨特風味，好似當晚飲過嘅智利Cabernet Sauvignon，加拿大嘅cabernet franc，西班牙Neno 同匈牙利SAUSKA嘅family wine 選擇，都係城中比較少見，玩味濃又俾你大開眼界。不過重點都係講番食，第一樣推介嘅一定係佢哋嘅免治雞肉串燒，真係勁好食，好食過城中好多間唔同嘅日式串燒店，另外前菜Heirloom tomato salad中嘅蕃茄加上濃香嘅caviar，為你開啟味蕾，都幾好食。佢地食物選擇以意式和風餐點為主，當晚都食左好多種唔同嘅
Mato店子小小，但眼光宏大，取Omakase的概念來個啡酒發辦，因應你嘅喜好同埋食物，推薦相應嘅咖啡同酒俾你。
最重要係呢度有勁豐富嘅啡酒選擇，勁多唔同嘅特別咖啡豆，例如今個月就可以有丹麥嘅知名咖啡烘焙品牌，保證你有與別不同嘅選擇。
我覺得最好嘅係呢度嘅wine selection，小店來講真係好多wine choice，要推介嘅係佢哋有個葡萄酒放題，兩小時$350任飲六款唔同嘅葡萄酒，佢地嘅選擇都係一啲嶄新嘅獨特風味，好似當晚飲過嘅智利Cabernet Sauvignon，加拿大嘅cabernet franc，西班牙Neno 同匈牙利SAUSKA嘅family wine 選擇，都係城中比較少見，玩味濃又俾你大開眼界。
不過重點都係講番食，第一樣推介嘅一定係佢哋嘅免治雞肉串燒，真係勁好食，好食過城中好多間唔同嘅日式串燒店，另外前菜Heirloom tomato salad中嘅蕃茄加上濃香嘅caviar，為你開啟味蕾，都幾好食。
佢地食物選擇以意式和風餐點為主，當晚都食左好多種唔同嘅意粉，個人最推介係佢哋嘅蟹Crab，滿滿嘅蟹肉蟹膏同三文魚子配上天使麵，牛油香濃又勁creamy。叉燒Charsiu用上日本溫泉蛋，加上日式叉燒，意粉沾上蛋汁同叉燒好和諧。PETSO一定係健康人士嘅選擇，trofie加上green tomato petso後開胃無比。最尾的鴨脾又係要推，個肉質勝過不少做得同樣好嘅法式餐廳。
最後又係不能不推介嘅homemade gelato，四種口味俾我選擇，唔係細路仔，全都要，蕃茄、芝士、expressso、Vanilla，當然各有千秋，但我一定選擇比較少見嘅蕃茄同芝士，愛雪糕的你一定要食，比起城中好多出名嘅意大利Gelato都做得更好食。
趁而家唔算太多人認識好快啲嚟，有咁多酒嘅選擇又有好嘢食，相信會係之後中環HH食飯嘅好地點。
張貼
