大會堂美心餐廳

營業中

休息中

座落中環大會堂的西餐廳，價錢唔算貴，約一百元一份晚餐，食物質素不俗。雜錦海鮮：有蝦、斑塊、魷魚、青口等，味道無乜特別。肉眼扒：火喉控制OK，但肉眼味道不夠香濃，屬中價之作。焗茄汁芝士豬扒飯：掂！既有茄汁嘅酸甜味，又有芝士煙韌起絲嘅口感，好食。豬扒本身也做得不錯，肉質幾腍，可以推介。鮮蝦扁意粉：醬汁同樣煮得好味，可以一試。火焰雪山：外層是蛋白，內裡是什果、蛋糕及朱古力雪糕。食前淋上Rum酒，待火焰熄滅後，外層蛋白還夾着淡淡酒香，外熱內冷，感覺奇妙。意大利奶凍：幾香奶味，唔算好甜，OK。焦糖燉蛋：普通喇。