影片
更多
2008-08-03
31 瀏覽
相隔兩年再光顧此老牌潮州飯店, 等位期間見到架Maybach黎買外賣, 第一次近距離觀看如此龐然大物, 此車果真霸氣十足, 就算一架S-Class或7系泊在旁, 都會即時由豪華房車, “downgrade”到家庭房車.入正題, 上次幫趁已是兩年前的事, 記得整體都不錯, 但有美中不足的地方, 且看兩年後的水準又如何. 一行七人被安排坐閣樓, 雖然不及樓下舒服同可以睇到打冷食物, 不過就多左一份懷舊feel. 點菜都以出名的菜為主, 不過可惜遲來一步, 石榴雞, 石榴蝦, 豆醬雞同炸吊桶都已沽清, 實在失望. 最後點了以下菜式:胡椒豬肚湯, 川椒雞, 炸拼盤, 炒蟶子, 芥菜煲, 豆醬生菜, 鹵水大腸, 沙爹牛河, 清心丸綠豆爽同反砂芋條, 當中以豬肚湯同炒蟶子最出色.豬肚湯材料以芥菜, 豬肚及粉腸為主, 份量十足, 而且可算是料多過湯, 胡椒味道非常濃郁, 甚至是有點搶喉, 配料的芹菜及芫茜散著淡淡的清香, 一窩湯多種味道, 唯一要彈的是豬肚似是冰鮮貨. 炒蟶子隻隻肥美鮮甜, 最重要係無沙. 要了兩個例牌炸拼盤, 雖是即叫即制, 但要等上差不多半小時又實在太耐, 其中墨棗比較好, 豬肉
入正題, 上次幫趁已是兩年前的事, 記得整體都不錯, 但有美中不足的地方, 且看兩年後的水準又如何. 一行七人被安排坐閣樓, 雖然不及樓下舒服同可以睇到打冷食物, 不過就多左一份懷舊feel. 點菜都以出名的菜為主, 不過可惜遲來一步, 石榴雞, 石榴蝦, 豆醬雞同炸吊桶都已沽清, 實在失望. 最後點了以下菜式:
胡椒豬肚湯, 川椒雞, 炸拼盤, 炒蟶子, 芥菜煲, 豆醬生菜, 鹵水大腸, 沙爹牛河, 清心丸綠豆爽同反砂芋條, 當中以豬肚湯同炒蟶子最出色.
豬肚湯材料以芥菜, 豬肚及粉腸為主, 份量十足, 而且可算是料多過湯, 胡椒味道非常濃郁, 甚至是有點搶喉, 配料的芹菜及芫茜散著淡淡的清香, 一窩湯多種味道, 唯一要彈的是豬肚似是冰鮮貨. 炒蟶子隻隻肥美鮮甜, 最重要係無沙. 要了兩個例牌炸拼盤, 雖是即叫即制, 但要等上差不多半小時又實在太耐, 其中墨棗比較好, 豬肉卷都幾香口不過略嫌肥肉太多, 其餘小菜水準只屬普通, 不值一提. 潮式甜點方面, 所點的兩個都相當出色, 綠豆爽清香不太甜, 清心丸煙煙韌韌, 反砂芋即叫即制, 芋頭又粉又香, 外層糖霜均勻. 不要以為上檯時無聲無色, 內裡的溫度足以灼傷舌頭.
總括來說這裡的食物是不會令你失望, 但不要期望過高. 價錢方面不點海鮮魚翅或海味的話是十分相而的. 就以今餐為例, 上面菜式再加三罐汽水, 五碗粥飯及前菜數碟, 埋單是$780.
PS. 衛生一欄只給1分, 因為有一碟醬料有細隻小強出現. 若撇除外, 整體應可以有3分的.
張貼