影片
更多
2018-09-11
83 瀏覽
特別日子同男朋友去圓方食嘢，一直都覺得圓方係一個好高級嘅地方，有一個好大嘅花園平台旁邊全部都係餐廳，呢一間係主打愛爾蘭菜，菜系都比較特別，所以特登book枱去試一試。呢間餐廳總共有兩層，下面果層主要就係飲酒睇波chill一下；上面就坐得舒服啲，適合一大班人，有唔同嘅卡位，浪漫又得，慶祝又得。新鮮生蠔正價$148@3隻（星期二嘅優惠就係$10@1隻，非常之抵食，所以共付$30咋）除咗新鮮生蠔海水金屬味夠香之餘，中非常乾淨。佢有特製嘅醬汁有啲酸酸地同埋少少辣味嘅，唔係規定一定是配搭蠔嘅基本醬汁。所以趁住有優惠可以逢星期二過嚟食生蠔飲番杯酒！美國頂級12安士西冷牛扒$388西冷牛扒真係足12安士，睇個size已經夠晒大，啲肉質非常鮮嫩，我哋揀約五成熟真係啱啱好五成熟！可以鎖住啲肉汁喺裏面，口感亦非常鬆化。同場仲有即炸嘅薯條，脆卜卜熱辣辣夠美味。招牌海鮮扁意粉$248龍蝦，青口，大蝦，紅甜椒汁叫多另外一款主食，就係揀咗招牌嘅海鮮扁意粉，裏面有龍蝦，青口同埋大蝦，份量都好足夠而且都比較新鮮；另外扁意粉時間控制剛剛好，加上紅甜椒汁掛在貶意粉上，味道清新。Blackberry Lemon Squas
特別日子同男朋友去圓方食嘢，一直都覺得圓方係一個好高級嘅地方，有一個好大嘅花園平台旁邊全部都係餐廳，呢一間係主打愛爾蘭菜，菜系都比較特別，所以特登book枱去試一試。
呢間餐廳總共有兩層，下面果層主要就係飲酒睇波chill一下；上面就坐得舒服啲，適合一大班人，有唔同嘅卡位，浪漫又得，慶祝又得。
新鮮生蠔正價$148@3隻（星期二嘅優惠就係$10@1隻，非常之抵食，所以共付$30咋）
除咗新鮮生蠔海水金屬味夠香之餘，中非常乾淨。佢有特製嘅醬汁有啲酸酸地同埋少少辣味嘅，唔係規定一定是配搭蠔嘅基本醬汁。
所以趁住有優惠可以逢星期二過嚟食生蠔飲番杯酒！
美國頂級12安士西冷牛扒$388
西冷牛扒真係足12安士，睇個size已經夠晒大，啲肉質非常鮮嫩，我哋揀約五成熟真係啱啱好五成熟！
可以鎖住啲肉汁喺裏面，口感亦非常鬆化。同場仲有即炸嘅薯條，脆卜卜熱辣辣夠美味。
招牌海鮮扁意粉$248
龍蝦，青口，大蝦，紅甜椒汁
叫多另外一款主食，就係揀咗招牌嘅海鮮扁意粉，裏面有龍蝦，青口同埋大蝦，份量都好足夠而且都比較新鮮；另外扁意粉時間控制剛剛好，加上紅甜椒汁掛在貶意粉上，味道清新。
Blackberry Lemon Squash$70
Blackberry Syrup with Freshly Made Lemonade
呢個係朋友飲嘅，外觀好靚，味道就唔知啦因為唔係我飲～俾大家參考下圖片
McSorley‘s Fruit Fizz $45
Apple/Passion Fruit/Strawberry/Mango
四隻味道揀一隻，我就揀咗士多啤梨，味道好清新，甜味只係適中，作為飲品而且冇酒精嘅算係唔錯。
張貼
