影片
更多
2021-08-01
511 瀏覽
今日同朋友去奧海城行街shopping,行到肚餓，諗起大角咀附近都有好多隱世美食。🧐😋記得之前朋友提過一間特式牛扒店，以medium rare為買點，仲有係客人自己揀牛扒部位及重量，即磅即煮。🥩🍴好似幾吸引，但見好多食評都話要排隊，所以決定早少少行過去試吓。😋😋由奥海城行去好方便，睇Google Map 指示，由奥運站B出口，沿行人天橋過滙豐中心，落翻地下就係博文街，跟住街道號碼行好快就揾到喇!👍😊5點幾嚟到，好彩未有人龍。我哋首先要在點餐區揀想要嘅牛部位，再定重量，不過都有最低重量要求嘅。店員都好詳細講解，叫我哋揀咗部位及重量後，就要揀要蔥油、洋蔥油還是蒜油。🤔🤔🤔仲可以加$28 轉套餐，揀埋飯/沙津/湯/温泉蛋+雪糕+飲品(位揀三樣)。🥗🥣🥚🍨🥤🍺裡面座位大約有三十個左右，唔怪之得成日要等位喇! 不過座位都算闊落嘅!😊我揀咗西冷300g 配洋蔥油，加沙律、温泉蛋及波子氣水。 $194 🥩🥗🥚🥤朋友揀咗牛板腱200g 配蒜油，加沙律、温泉蛋及可樂。$124 🥩🥗🥚🥤其實都唔駛講要幾成熟，店名都講明Medium Rare Steak, 所以都唔駛擔心。況且牛扒做好嘅時候，塊鐵板仲係熱
記得之前朋友提過一間特式牛扒店，以medium rare為買點，仲有係客人自己揀牛扒部位及重量，即磅即煮。🥩🍴
好似幾吸引，但見好多食評都話要排隊，所以決定早少少行過去試吓。😋😋
由奥海城行去好方便，睇Google Map 指示，由奥運站B出口，沿行人天橋過滙豐中心，落翻地下就係博文街，跟住街道號碼行好快就揾到喇!👍😊
5點幾嚟到，好彩未有人龍。
我哋首先要在點餐區揀想要嘅牛部位，再定重量，不過都有最低重量要求嘅。
店員都好詳細講解，叫我哋揀咗部位及重量後，就要揀要蔥油、洋蔥油還是蒜油。🤔🤔🤔
仲可以加$28 轉套餐，揀埋飯/沙津/湯/温泉蛋+雪糕+飲品(位揀三樣)。🥗🥣🥚🍨🥤🍺
裡面座位大約有三十個左右，唔怪之得成日要等位喇! 不過座位都算闊落嘅!😊
我揀咗西冷300g 配洋蔥油，加沙律、温泉蛋及波子氣水。 $194 🥩🥗🥚🥤
朋友揀咗牛板腱200g 配蒜油，加沙律、温泉蛋及可樂。$124 🥩🥗🥚🥤
其實都唔駛講要幾成熟，店名都講明Medium Rare Steak, 所以都唔駛擔心。
況且牛扒做好嘅時候，塊鐵板仲係熱騰騰出曬煙，想食熟啲可以切開再辣吓就夠曬熟。🍽 🥩
不過我就覺得啱啱好，肉質好腍滑鮮嫩，兩面夠火候鎖住肉汁，加少許海鹽及黑椒已經好惹味，點埋温泉蛋漿食仲好味。😋😋
個麻醬沙律好爽口，支波子氣水亦好夠氣，好好飲!👍👍
整體來說係唔錯嘅!👍😋
張貼
