日和号壽司料理 (已結業)

💕小新今日約左朋友係megabox 睇戲，睇完戲當然就搵野食啦，見到依間餐廳有「半價壽司」既promote，見咁抵就入去試一試😙┈✨刺身🐟- 刺身方面，我地叫咗4款，分別係三文魚腩($43)、帶子($36)、吞拿魚赤身($49)同油甘魚($41)，整體刺身都唔錯，當中推介三文魚同帶子刺身，三文魚腩油脂感重，帶子刺身十分鮮甜(*´∀｀*)✨壽司🍣- 壽司方面我地叫左火炙三文魚腩壽司、6吋三文魚壽司、火炙左口魚邊壽司、鰻魚壽司、香葱吞拿魚腩碎軍艦、海膽軍艦、稻荷吞拿魚沙律壽司、胡麻醬火炙三文魚壽司、劍魚腩壽司、吞拿魚壽司、帆立貝壽司、三文魚腩壽司～～整體不錯，當中最喜歡既係6吋三文魚壽司，目測真係有6寸咁長，勁滿足(*´꒳`*)另外都鍾意佢既腐皮壽司，甜甜地既腐皮配上吞拿魚沙律，幾好食😋火炙三文魚腩一直都係我最愛，燒過後三文魚油脂感更出～至於吞拿魚蓉軍艦都好推介，將魚肉打成蓉，令口感更creamy (๑´ڡ`๑) ✨八爪魚小丸子🐙 $19- 估唔到連小食都有半價，一份4粉，上面鋪滿木魚碎，口質外脆內軟，每一粒入面都有啲八爪魚粒😋