影片
更多
2008-10-20
17 瀏覽
有人請食飯，地點由我揀，我揀左呢間。是晚叫了Mussels, Prawn Madras, Steak Diane,house wine x 2.首先想表揚呢度既老伙記服務親切，兼發自內心，身為食客既我亦感受到他們對自己工作既熱誠同自豪，我相信Jimmy's Kitchen老細一定非常厚待同尊重他們呢。好嘞講講d野食1）忌廉白酒煮青口，$120十二隻。不太”好“青口的我今次真大開眼界，原來mussel可以o甘肥美鮮甜，第一次覺得青口鮮甜度可以比美生蠔，但黎得柔和一些，收斂一些。如果比喻生蠔係Fight Club 裡面既Brad Pitt，那青口就是Devil's Advocate裡面西裝骨骨既Keanu Reeves。一個粗獷，一個溫文。2）咖哩蝦，這個比較特別既係隨蝦付送既薄脆片同全盒式放置既醬/配料。d蝦用咖哩粉乾炒過，偏咸（送飯OK既），但好辣吓，愈食愈辣，辣到食吾到o甘滯。(因我只享受少辣）3）Steak Diane 8oz. 首先好慶幸自己無揀14oz既其他牛扒類，見到隔黎枱個份量，感覺好似成隻牛放左係隻碟度（當然係誇張法，但都有寸幾厚，面積大過一隻手指略為攤開幾手板），嚇我一
是晚叫了
Mussels, Prawn Madras, Steak Diane,house wine x 2.
首先想表揚呢度既老伙記服務親切，兼發自內心，身為食客既我亦感受到他們對自己工作既熱誠同自豪，我相信Jimmy's Kitchen老細一定非常厚待同尊重他們呢。
好嘞講講d野食
1）忌廉白酒煮青口，$120十二隻。不太”好“青口的我今次真大開眼界，原來mussel可以o甘肥美鮮甜，第一次覺得青口鮮甜度可以比美生蠔，但黎得柔和一些，收斂一些。如果比喻生蠔係Fight Club 裡面既Brad Pitt，那青口就是Devil's Advocate裡面西裝骨骨既Keanu Reeves。一個粗獷，一個溫文。
2）咖哩蝦，這個比較特別既係隨蝦付送既薄脆片同全盒式放置既醬/配料。d蝦用咖哩粉乾炒過，偏咸（送飯OK既），但好辣吓，愈食愈辣，辣到食吾到o甘滯。(因我只享受少辣）
3）Steak Diane 8oz. 首先好慶幸自己無揀14oz既其他牛扒類，見到隔黎枱個份量，感覺好似成隻牛放左係隻碟度（當然係誇張法，但都有寸幾厚，面積大過一隻手指略為攤開幾手板），嚇我一跳。 講番碟扒，要半熟，火候控制得宜，肉汁、肉味均出息，雖然少了我至愛既炭燒味，但也不失為一個食扒既好地方呢。
最後當然要多謝那位慷慨地請我食呢餐飯既人啦！
張貼
