Rimi Cafe (已結業)

📍自從讀完書之後 都好少去旺角樓上Cafe 咁啱行過登打士商場記得有間Cafe之前食過都好唔錯 好抵食 環境舒適乾淨可以同朋友玩住Board Game 慢慢傾 🙆🏻‍♀️🙆🏻‍♀️餐廳無論主食 小食同飲品 選擇都非常多 朋友同我都有選擇困難症😂 最後我地嗌咗個二人餐 份量超多好抵食～🌀薯仔忌廉湯配蒜蓉包忌廉湯入面飲到粒粒薯仔粒 真材實料 奶味偏重幾Creamy🌀 蜜糖芥末雞翼 & 蒜蓉牛油焗雜菇蜜糖雞翼炸到外脆內軟 雞翼偏大隻 啖啖肉～ 雞翼有醃製過 單吃也不錯 但淋上蜜糖芥末醬後 味道酸酸甜甜更加開胃🙆🏻‍♀️ 我就最鐘意個焗雜菇 切片雜菇十分厚身 食落有咬口仲幾Juicy 牛油香相當出眾!🌀 黑松露牛肝菌雜菌燴飯飯粒軟硬適中 有一匙黑松露醬置於燴飯上 記得撈勻之後先食黑松露味道會更出色 雜菌份量好多食落味道唔會太濃 比較清新 冇咁heavy💓🌀 法式寶雲酥羊架配薯菜羊架厚身大件 真係要多幾個人share🙈 外皮微微煎香 再灑上 大量麵包糠同茴香調味 肉質嫩滑唔會韌 一切就切開啦!🍴薯菜- 椰菜花 翠玉瓜 甘筍等雖然無點調味 但微微煎香已經好好食 中和羊肉油膩感☺️☺️環境舒服 而且都冇限時