東京チカラめし (已結業)

Mikiki新開張日式丼飯！之前未食過呢間牛肉飯，見星期日中午唔使等位太耐，於是同朋友一齊試下，食物質素好一般般，勝在性價比還可以。餐廳裏面有空枱但唔叫排隊嘅人入座，要營造有人排隊等位嘅感覺。食物種類唔多，所以我地叫一個燒牛肉一個鹽燒牛肉睇吓有咩分別。鹽燒牛肉丼配餃子三件$55- 餃子油膩左少少，暖暖哋，都係日式急凍餃子味道啦。鹽燒牛肉丼份量幾大，牛肉係肥牛片，味道偏清淡，我自己加韓式辣醬一齊食惹味啲。燒牛肉丼定食$60- 沙律冇調味，都幾健康。燒牛肉較鹽燒牛肉重口味同油膩，睇下你平時鍾唔鍾意燒汁，送飯食唔錯。整體而言，我鍾意食本家多啲，下次經過唔使等位先再考慮食唔食多次，畢竟新蒲崗都有好多好餐廳。