Milk Top (已搬遷) 新店位置

前幾日，去開SOGO行街，經過milktop，又咁岩記得有Frd介紹過呢間野好食，今次決定再買黎試下。之前係中秋附近個時，屋企人收到個果八褔聚合，好似草餅既外表，又係雪糕咁樣，姐係好似冰皮月餅咁。仲幾得個八種味好似係有抹茶、咖啡、朱古力、芝麻、紅豆同埋其他。個次我都讚好，今次經開milktop，就聽下個Frd介紹買左買左幾個布丁，幾杯雪糕拎走。佢當然有冰袋同乾冰比我地攞走啦。講番個d布丁，我覺得朱古力、原味都係特別好味。其實每隻既口感都一樣、好軟滑，唔似平時係超級市場買既盒裝布丁，真係差得遠。另外雪糕的確係好好味，特別係綠茶味，佢既綠茶味好濃，又唔太甜，幾岩香港人唔鍾意太甜既口味。 我個朋友真係無介紹錯，佢既雪糕同布丁真係好得，好正，加上夏天食，簡直一流。