影片
更多
2017-08-11
46 瀏覽
今日同幾個朋友收工過黎荔枝角食飯，喺網上都睇過呢間新餐廳嘅評語唔錯，加上個名幾特別，叫怕羞草，一行四人一試。餐廳喺工廈入面，喺D2 place對面嘅入口方向，都幾方便。我地去到都接近8點，當晚都有幾枱客人，更加有一家大細，睇番餐廳環境都幾舒服，唔係好多位，都坐得幾鬆動。裝潢都可以，乾浮企理，我都冇乜要求。晚市主要係供應set dinner，一人一份唔洗煩，人均百零二百蚊左右啦，而家出街食飯係咁上下價錢。餐湯、蒜蓉包：蓉蓉包幾脆口架，即時整起，配忌廉湯都係nice start沙律：沙律我就唔鐘意食，俾左朋友，佢就話紅菜有少少苦澀。德國腸拼盤：雖然賣相就唔係話好靚，不過都幾吸引，尤其是打左蛇餅嘅豬肉腸。香腸輕輕煎過，外皮都幾脆口，肉汁鎖住，沾上芥茉同茄汁，都幾好食。其實份量都幾多我地幾個分享剛好，下面仲有薯條，本來單點都要幾十蚊，呢份就有埋，不過食落就腍啲，同埋冇咩味。側邊仲有好多酸菜，真係幾酸架，不過配埋香腸都可以解下飽膩。蛋黃忌廉汁蟹肉闊條麵：我地都覺得闊條麵味道唔錯，食落好香蛋黃、忌廉汁味，蟹肉份量都算係咁香草醬藍青口扁意粉：個人就覺得香草味都幾香濃，呢款冇蟹肉意粉咁濕，但朋友話略鹹
餐廳喺工廈入面，喺D2 place對面嘅入口方向，都幾方便。我地去到都接近8點，當晚都有幾枱客人，更加有一家大細，睇番餐廳環境都幾舒服，唔係好多位，都坐得幾鬆動。裝潢都可以，乾浮企理，我都冇乜要求。
晚市主要係供應set dinner，一人一份唔洗煩，人均百零二百蚊左右啦，而家出街食飯係咁上下價錢。
餐湯、蒜蓉包：蓉蓉包幾脆口架，即時整起，配忌廉湯都係nice start
沙律：沙律我就唔鐘意食，俾左朋友，佢就話紅菜有少少苦澀。
德國腸拼盤：雖然賣相就唔係話好靚，不過都幾吸引，尤其是打左蛇餅嘅豬肉腸。香腸輕輕煎過，外皮都幾脆口，肉汁鎖住，沾上芥茉同茄汁，都幾好食。其實份量都幾多我地幾個分享剛好，下面仲有薯條，本來單點都要幾十蚊，呢份就有埋，不過食落就腍啲，同埋冇咩味。側邊仲有好多酸菜，真係幾酸架，不過配埋香腸都可以解下飽膩。
蛋黃忌廉汁蟹肉闊條麵：我地都覺得闊條麵味道唔錯，食落好香蛋黃、忌廉汁味，蟹肉份量都算係咁
香草醬藍青口扁意粉：個人就覺得香草味都幾香濃，呢款冇蟹肉意粉咁濕，但朋友話略鹹；我食得較重口味，就覺得還可以
青口圍邊，雖然唔係好大粒，但擺到靚靚，都幾有誠意啦。
黑松露忌廉汁帶子意大利飯：意大利份量都幾多，四個人食下食下都好飽喇，飯粒軟腍，食落濕潤。帶子都幾爽口，唔係好大粒。
飲品相對比較遜色，熱朱古力奶泡起哂泡…至於熱蝶豆花茶補少少錢就可以選擇，味道ok。鐘意飲咖啡嘅會覺得咖啡唔達標。
整體而言，餐廳環境唔錯，坐得幾舒服，食物方面試左幾款都覺得唔錯，人均150蚊左右，唯獨飲品一般。
不過始終係新店，仲有改善地方都可以體諒。
張貼
