Mini Club (已結業)

Item: Mini Club
Rating: 5
Author: jackie.ip.395

401 食評

味道

環境

服務

衛生

抵食

12603

銅鑼灣

$201-400

西式海鮮酒吧蠔吧

348

jackie.ip.395

等級4

223

早排一直都想嚟Mini Club度食嘢,因為有個friend成日都send佢個海鮮拼盤出嚟誘惑我~阿肥知道自己今日會比較早收工,所以就帶咗我嚟銅鑼灣分店食晚飯喇不過以前淨係知道佢喺尖沙咀同旺角有舖,原來銅鑼灣都有一間,唔知係咪三間之中最新嘅呢(?!)銅鑼灣呢間舖勁易搵,喺地鐵站C出口一出望過對面已經見到喇,仲要喺駱克駅一樓,勁方便。𨋢門一打開就會見到Mini Club嘅霓虹燈裝置,而餐廳裡面柔和嘅燈光令到整個場地充滿咗優閒溢意嘅感覺,職員仲安排咗坐喺窗口旁邊嘅高枱位置俾我哋,從窗口望落去下面人來人往嘅繁華景象,更加覺得有所歇息呢~而咁啱我哋呢個位置就喺正餐廳嘅粉紅色巴黎鐵塔隔離,我就顧住影相阿肥就冇我咁好氣好專心咁睇吓有啲乜嘢美食原來呢度都係用電子餐牌,掃一掃個ipad已經可以圖文並茂咁知道了解哂佢哋嘅食物,見到Signature Cocktail嗰版就更加興奮,佢哋啲嘢飲全部都好靚同埋喺設計方面花咗唔少心思。經過阿肥一輪思考後,我哋兩個人就決定叫咗以下幾款食物：法式白酒煮青口($78蚊),本人真係好鍾意食呢個菜式,喺出面食好多地方都只係著重忌廉汁嘅味道,反而呢度嘅白酒味好重好濃烈,帶

早排一直都想嚟Mini Club度食嘢,因為有個friend成日都send佢個海鮮拼盤出嚟誘惑我~阿肥知道自己今日會比較早收工,所以就帶咗我嚟銅鑼灣分店食晚飯喇

不過以前淨係知道佢喺尖沙咀同旺角有舖,原來銅鑼灣都有一間,唔知係咪三間之中最新嘅呢(?!)銅鑼灣呢間舖勁易搵,喺地鐵站C出口一出望過對面已經見到喇,仲要喺駱克駅一樓,勁方便。𨋢門一打開就會見到Mini Club嘅霓虹燈裝置,而餐廳裡面柔和嘅燈光令到整個場地充滿咗優閒溢意嘅感覺,職員仲安排咗坐喺窗口旁邊嘅高枱位置俾我哋,從窗口望落去下面人來人往嘅繁華景象,更加覺得有所歇息呢~而咁啱我哋呢個位置就喺正餐廳嘅粉紅色巴黎鐵塔隔離,我就顧住影相阿肥就冇我咁好氣好專心咁睇吓有啲乜嘢美食

203 瀏覽

1 讚好

0 留言

原來呢度都係用電子餐牌,掃一掃個ipad已經可以圖文並茂咁知道了解哂佢哋嘅食物,見到Signature Cocktail嗰版就更加興奮,佢哋啲嘢飲全部都好靚同埋喺設計方面花咗唔少心思。經過阿肥一輪思考後,我哋兩個人就決定叫咗以下幾款食物：

法式白酒煮青口($78蚊),本人真係好鍾意食呢個菜式,喺出面食好多地方都只係著重忌廉汁嘅味道,反而呢度嘅白酒味好重好濃烈,帶出咗青口嘅鮮味,我鍾意吖

仲要青口都有十幾廿隻,呢個價錢真心抵食。不過就有幾隻因為未開口所以食唔到,希望餐廳可以注意番呢一點啦~

西班牙伊比利黑毛豬火腿(24個月)伴芝士拼盤

西班牙伊比利黑毛豬火腿(24個月)伴芝士拼盤($278蚊),阿肥其實好專一,只要有Parma Ham嘅地方佢一定唔會放過嚐試嘅機會,而呢度仲要俾佢見到係話24個月嘅添!更加令佢流哂口水啦~盤嘢嚟到之後張枱爭啲就唔夠位放,份量超大又超多,裡面除咗主角巴馬火腿之外,仲有黑松露車打芝士+特級巴馬臣芝士+山羊奶芝士+黑松露醬+鵝肝醬配全麥脆片,另外仲有黑毛豬沙樂美腸添~雖然我係一個唔太鍾意食Parma Ham嘅人,因為每次食親我都覺得啲肉有一陣好似羶味咁,但係見阿肥話呢盤係高檔嘢嚟,把心一橫我都決定再試。與其話佢正方形細細塊嗰啲係脆片,我覺得佢比較似餅乾,上面有啲啲黑點點嘅就係黑松露醬+鵝肝醬,配埋山羊奶芝士嘅味道原來好夾,我就拎咗塊黑毛豬沙樂美腸放上去一齊食,都幾好味呀。阿肥就對啲Parma Ham極滿意,話冇嚟錯啦~!雖然話24個月嘅火腿係貴價嘢嚟,但餐廳俾嘅份量都好足夠唔會孤寒架,阿肥今次真係食番夠皮

佢仲有好多新鮮嘅沙律火箭菜襯底,食咗啲咁重味嘅火腿食番啲菜清新中和吓~

本來諗住叫海鮮米紙沙律卷嘅但係職員話今日賣哂,所以就揀咗呢款狂野摩天輪($128蚊),因為睇相好似呢個嘅食物比較輕量,唔洗驚兩個人食唔哂~心入面就當然係覺得個摩天輪可以呃like啦

嚟到之後確實冇令我失望,總共五格嘅摩天輪小籃子分別盛載住五款唔同味道嘅炸物：炸生蠔+炸紫薯+炸帶子+炸蝦棒+吉列炸蝦。而每款食物嘅下面佢都用牛油紙同埋小小菜墊底,感覺好好可以等佢哋吸下多餘嘅油份,個摩天輪仲可以郁得嘅添!食完一款轉一轉就可以食另外一款,好鬼趣緻~呢度嘅炸物整體都算整得唔錯,有幾款我都好鍾意食,炸紫薯係最好味架因為本身紫薯甜甜地佢啲炸粉亦唔算厚,入面夠腍唔會實的的,炸蝦棒同吉列炸蝦雖然兩樣都係用蝦整但係兩者嘅分別好明顯嘅,炸蝦棒嘅口感就好似春卷咁,皮夠薄被炸至香脆可口,份量仲好似有五/六條咁多,完全無需禮讓大家都一定有得食。而餐廳本身提供咗兩小兜醬料泰式辣醬同埋開胃沙律醬,點一點即刻增添風味。吉列炸蝦就好似日式小食咁,咬開啖啖都係蝦肉~炸帶子本身佢係一個波咁我哋仲以為係唔知乜嘢丸嚟,咬開先至發現原來佢係大大粒嘅帶子,正吖

我平時唔食炸生蠔嘅不過呢度呢隻一啲都唔腥,值得一讚。

Main course我哋叫咗呢款極上十二安士炭燒安格斯牛仔骨($158蚊),上菜嘅時候份量已經係兩條,一人一條就啱啱好。最滿意嘅就係牛扒醃得好夠味,原來係用咗迷迭香+鼠尾草+百里香烤製,唔怪之得塊牛扒咁香,油脂分佈亦算平均,肥肉不太多,側邊仲有啲喜瑪拉雅山岩鹽可以沾上,提升肉質鮮味,多一份味道層次。有小小驚喜嘅就係原來伴有焗薯仔一小個,味道出奇地好有啲似去Super sandwich咁,裡面除咗加咗小量沙律醬之外,仲有啲煙肉粒一齊焗,好彩佢細細個咋如果唔係真係食唔哂呢

相信唔少女士都一定會俾呢份The Love of Eiffel($258蚊)嘅甜品所迷到,當然我都唔例外啦

一場嚟到必然要點嚟威吓~啲主菜食哂之後職員就會清理枱面然後就拎呢座咁宏偉嘅巴黎鐵塔出嚟俾大家浪漫一番,我本來拎部手機出嚟諗住影吓相架咋,點知佢問我ready好未(?!)噢~~~原來佢仲會啟動噴煙效果

犀非利呀!!!條片我都錄咗差唔多成分鐘,佢個煙霧模式都可以維持好耐

連阿肥都覺得讚嘆呢~鐵塔主要分為兩層盛載甜品,上面一層大慨有三粒不同味道嘅馬卡龍,酒心朱古力,榛子朱古力同埋一朵用糖膠整嘅玫瑰花。三粒馬卡龍上面都印有好靚嘅圖案同埋字母,而酒心朱古力亦有寶石嘅外型,心型嘅榛子朱古力上面仲寫住I love you嘅添,除了浪漫就是甜蜜~下面嗰層主要就有芒果布甸,原味泡芺,榛子泡芺,藍莓芝士蛋糕,紐約芝士蛋糕同埋綠茶紅豆慕絲,全部都整得好精緻細膩,質素絕對可以比得上酒店級嘅水準。每一款嘅味道都唔會過甜,就算好似阿肥咁怕食甜品嘅男人都可以同我瓜分一半,各自食到自己喜歡嘅口味,其實呢個份量三至四個人嚟食都絕對冇問題,不過浪漫嘅一對,通常只係屬於兩個人啦...right(?!)

喺咁有情調嘅環境之下,我哋一人都嗌咗一杯signature cocktail,佳餚當然要配美酒,呢一款Honey Bee($118蚊)嘅賣相就好比一幅充滿陽光嘅圖畫,大黃色杯子裡面就裝住主要由橙酒+阿德沃卡特酒+百利甜酒+菠蘿汁+蜜桃調製而成嘅雞尾酒特飲,另外一個黃色小杯子裡面就裝住咗蜂蜜蜜糖,各人可以按自己嘅喜好添加,中和酒味,所以呢一款嘅味道都幾適合唔鍾意酒味濃烈嘅朋友,更何況阿肥係一個菠蘿+蜜桃嘅愛好者。上面仲有兩塊甜脆餅,放咗兩隻小蜜蜂造型嘅可可豆,再加上太陽花嘅裝飾,根本就同ipad裡面嘅圖片完全一致,並無取巧呀。

而我就糾結咗好耐,到底我揀個杯靚丫?定係要揀自己鍾意飲嘅口味呢?其實真係好難取捨,結果就點咗呢杯Ice Bear($118蚊),佢係由白利甜酒+牛奶+Oreo曲奇餅+冧酒+糖漿+白可可酒調製而成嘅雞尾酒特飲,Baileys加忌廉就裝住咗喺個小玻璃杯子入面,可以就你個人嘅喜好倒落去大嘅透明玻璃杯裡面攪拌飲用,飲品上面仲有個密封嘅漏斗裝住咗可可脆片,雲呢嗱雪糕仲有可愛動物掌型嘅棉花糖,又有得飲,又有得食,大滿足吖