又一 (已結業)

收工諗住近近地食埋飯先番家，發現公司附近開咗間新既日式餐廳，主打係我熱愛既咖哩，就決定試下佢啦同一般餐廳唔同，呢度啲侍應好nice，而且都好主動serve客，推薦menu👍👍menu唔算多，但特別在佢有三款汁可以比你自由配搭，唔食咖哩既朋友可以揀白汁或法式燒汁。今次我就試咗佢地既忌廉雞肉咖哩蛋包飯，一次試哂白汁同咖哩兩款汁😋一上枱自然係相機食先啦🤣🤣賣相唔錯，金黃色既蛋包飯放中間，左右兩款汁唔會溝埋哂，雞肉同飯既份量都唔算少塊蛋都算厚身有蛋香味，不過略嫌煎得熟咗少少。白汁一般都較膩，夾埋咖哩一齊撈飯可以中和番，而且味道都好夾咖哩有大/中/小辣揀，我就揀咗中辣，入口辣味唔會太搶，可以食到濃濃既咖哩味，之後先慢慢feel到個辣味。晚市飲品可以半價加配，所以我又order咗杯沖繩島海鹽雪糕球梳打呢個顏值無得輸啦，淡淡咸味既海鹽雪糕，配上甜甜既cream同梳打，感覺非常清新整體而言，呢間新餐廳既食物都唔錯，岩哂我口味，下次可以再嘗試🥰