汀汀烤活魚 (已結業)

今次嚟咗旺角嘅樓上鋪，汀汀活烤魚！佢係任食放題，有烤魚雞煲同埋火鍋可以揀。今次特別約咗好耐冇見嘅朋友一齊食。呢間鋪距離地鐵站很近，旺角地鐵出來幾分鐘就可以找到。一嚟到就會有服務員比菜單你揀，你可以選擇雞煲或者烤魚🐟。我哋揀咗食🐔雞煲，因為太耐冇食啦。你仲可以揀不同嘅辣度。佢係有個小鍋熱住！雞煲嘅雞肉好滑，而且味道好濃郁特別入味。🥰🥰然後服務員會俾埋小食同一份刺身，🦐刺身有三文魚，蝦生，北寄貝，扇貝等，都好新鮮好正！食完雞煲同埋刺身，服務員會問你想揀乜嘢嘅鍋底～我哋揀咗雪耳木瓜雞腳湯底。湯底上嚟即刻飲番兩碗湯先！味道好濃郁好鮮甜。飲完湯就可以點不同嘅肉同埋菜食啦。可以開始我哋嘅放題：有和牛，丸子，蔬菜等等好多野食！仲可以有唔同嘅小食，呢度要特別提一下佢嘅魚皮好好食！仲有鹽酥雞，拍青瓜等等今晚食得真係好飽，而且每一樣菜式都好令人滿意味道特別好！☺️☺️