太平洋咖啡 (已結業)

尋晚落勁大雨俾D雨聲嘈醒左，搞到今朝超級超級眼訓，見未夠鐘返工，就去左公司附近間Pacific Coffee，諗住買杯咖啡提提神！ 去到竟然見到有之前聖誕期間推出的節日限定咖啡飲品Mochorange（香橙朱古力咖啡），因為我對香橙的飲料特別鍾情，所以即刻點左一杯~好快，店員就沖好左一杯熱辣辣的Mochorange，我就拎左返公司先慢慢享用。個紙杯係香港特色紅白藍間條，好特別，而Pacific Coffee的朱古力鮮奶咖啡一向香濃，唔會太甜，再配合陣陣橙香，出奇地甜甜的香橙味與朱古力鮮奶咖啡非常配合，令到我依個香橙迷感到充滿精神。