桃子Cafe (已結業)

今日去咗旺角通菜街嘅桃子Cafe食晚餐，桃子Cafe係蛋包飯專門店。我哋叫咗一個日式咖喱流心芝士漢堡蛋包飯，原來個咖喱係用蔬菜做嘅，一啲都唔會辣，超厚嘅漢堡，漢堡中間仲有芝士流出黎添。再叫咗個日式明太子海鮮白汁意粉，白汁原來係溝咗奶同埋忌廉，有唔同嘅海鮮配料，配有少少辣嘅明太子意粉。因為係一個晚市套餐，所以會有湯同埋甜品。湯係蘑菇忌廉湯，忌廉湯亦都係溝咗奶，所以特別滑。而甜品係日式奶凍，清清地，食落好舒服。我覺得呢度係一間非常用心嘅Cafe， Cafe嘅佈置亦都俾人一種喺屋企，好舒適嘅感覺，值得一去再去。