影片
更多
2015-08-31
2477 瀏覽
最近好多雜誌都有介紹既新餐廳MOMOJEIN餐廳既主廚係韓國好有名氣既Lee Hee Won呢到係sell新派韓國菜，傳統既菜式加上新既煮法可能仲係新，我地當日下午先book位都有位去到餐廳大部分既員工都係韓國人不過唔駛擔心溝通唔到，佢地英文好流利裝修以木同簡單自然為主入到去好似去左首爾d cafe咁成個感覺好舒服，好relax 果然係新派韓菜，捨棄韓國傳統既鐵餐具換黎木製既餐具，又靚又好用Spicy Pork and Tofu ($48)唔好睇佢望落去同普通韓國辣炒豬肉冇分別，其實成個菜食得出好有心思煮辣炒豬肉既調味做得好唔講以炸洋蔥同芝麻做TOPPING，為成個菜增加層次，唔好睇小呢D Topping，小左真係會差多遠豆腐係比較實淨既硬豆腐，但食落口亦都幾滑，而且好有豆香配埋濃味既炒豬肉真係一流小公主同男朋友兩個人食到等唔到口Ginseng Chicken Risotto ($68)話到明係新派韓國菜，一定唔會仲係食人蔘雞咁悶既用人蔘雞湯煮意大利飯，面再加上炸到脆卜卜既雞皮個飯一黎到，真係比佢地既細心打動你睇下飯上面d豆芽苗同雞皮，係好似國旗咁插哂係D飯上面，好得意味道方面，個飯煮
最近好多雜誌都有介紹既新餐廳MOMOJEIN餐廳既主廚係韓國好有名氣既Lee Hee Won
呢到係sell新派韓國菜，傳統既菜式加上新既煮法
可能仲係新，我地當日下午先book位都有位
去到餐廳大部分既員工都係韓國人
不過唔駛擔心溝通唔到，佢地英文好流利
裝修以木同簡單自然為主入到去好似去左首爾d cafe咁
成個感覺好舒服，好relax
果然係新派韓菜，捨棄韓國傳統既鐵餐具
換黎木製既餐具，又靚又好用
Spicy Pork and Tofu ($48)唔好睇佢望落去同普通韓國辣炒豬肉冇分別，
其實成個菜食得出好有心思煮
辣炒豬肉既調味做得好唔講
以炸洋蔥同芝麻做TOPPING，為成個菜增加層次，
唔好睇小呢D Topping，小左真係會差多遠
豆腐係比較實淨既硬豆腐，但食落口亦都幾滑，而且好有豆香
配埋濃味既炒豬肉真係一流
小公主同男朋友兩個人食到等唔到口
Ginseng Chicken Risotto ($68)話到明係新派韓國菜，一定唔會仲係食人蔘雞咁悶既
用人蔘雞湯煮意大利飯，面再加上炸到脆卜卜既雞皮
個飯一黎到，真係比佢地既細心打動
你睇下飯上面d豆芽苗同雞皮，係好似國旗咁插哂係D飯上面，好得意
味道方面，個飯煮得剛剛好，唔會太硬或太淋
吸哂雞湯既飯都好好食，d飯仲溝左d無衣綠豆一齊煮，加多一層口感
而雞皮炸得好乾身，一d油膩既感覺都無
美中不足既係無咩蔘味
Grilled Bulgogi ($250)Bulgogi即係燒牛肉
黎到既時候幾Surprise，因為冇expect過係咁嘅賣相
傳統既Bulgogi都係一塊塊既牛肉片，呢到竟然成碟網燒牛扒咁
個牛其實係好多牛肉bulgogi堆成一大塊黎，加物好多蒜片咁樣燒
燒網下面仲有d熱嘅石春喺到heat住個牛，唔怕食食下好塊牛凍哂
食果陣只需要稍微用筷子叉開就食到，一d都唔un
加上燒過既蒜片，牛肉吸哂蒜片既香味，簡直係一個享受
不過食呢個bulgogi既時候發生左一件小插曲
都有小小唔開心，諗住同餐廳講下反映下
經理知道後都即刻有回應，而且仲送左個小食比我地試
Fried Eggplant ($78)話係炸茄子，其實佢入面仲有炸年糕
底下係一個似辣味噌既肉醬
茄子同年糕都好似天婦羅咁，個炸粉勁薄勁Light
最好味既係個肉醬，用左好多新鮮既菌黎炒，好好食
最後食埋個dessert: Sugar Glazed Sweet Potato ($65)一開頭男朋友話叫呢個既時候我有D抗拒
因為感覺呢D糖炒既甜品都會好膩
而當時我地其實真係食得好飽下，所以想食D Light d既甜品
但好彩最後都聽左佢講
因為呢個dessert我可以講話係小公主gei 2015最好食甜品(沒有之一)
賣相精緻唔再講
入面除左Sugar Glazed既蕃薯，仲有蕃薯Mousse同蕃薯片
而呢3樣野不論獨立食，定夾埋食，都好好食
個Sugar Glazed蕃薯，個糖係薄薄一層岩岩wrap住件蕃薯
層糖食落去係脆，而因為好薄身既關係一d都唔膩
個mousse就好似食緊個超甜既紫蕃薯一樣，好滑仲有d似mochi
蕃薯片上面灑滿芝麻一齊焗，脆、甜、香
極力推介大家一定要去食呢個甜品
MOMOJEIN係一間好用心去做菜既餐廳由用料，烹調到食物既擺放你都可以感受到佢既誠意
就連一碗白飯佢地都唔會求其
服務態度殷勤，有禮
佢既用心，係連就算佢地有小小出錯(小插曲)
你都會覺得算啦，原諒佢啦
咁既價格，可以話係物超所價
小公主極力推介!!!!!
張貼
