影片
更多
2012-09-03
96 瀏覽
會合埋朋友仔…跟手就齊齊黎哩度嘆個late lunch / tea…好喜歡哩度o既環境, 靜中有旺…高背大梳化啊…小格仔地磚啊…良好服務啊…甚至連佢地張餐巾都鍾意!!哈!!…當然仲有食物水準要好啦!!...覺得無論黎拍拖, 親子又或者同三兩知己黎悠悠閒花個下午亦吾錯架…剛過2pm依然滿晒座, 食午餐o既人流未退…企嚮門口等下啦…遠處望去第一眼最搶就係見到城中名人陳總”志雲大師”同位熟女嚮度嘆茶!!...我地想要大梳化箱座位…稍等左5-8mins左右就俾左餐廳角落最尾果檯”自閉位”我地...o岩晒今日我地”三個女人一個墟”有排消磨啊…嘻嘻~~餐前小食…例牌送上兩款醃菜…又酸又咸o既原隻小黃瓜我就真係受不了!!...醋酸椰菜絲就比較接近自己口味, 好醒胃!!美式餐廳, 食物份量都大過人…而且餐廳其中有個賣點, 就係特製o既加大碼漢堡或熱狗, 超長潛艇三文治之類…同埋牛咁大一件o既切件蛋糕!!...所以即使好友最近下決心開始戒牛肉…都要為左試佢地o既漢堡扒而”破戒”一次!!哈!!由於我地有更遠大o既目標 ~ 芝士蛋糕…所以先揀左一客Monster Beef Burger (8oz) $148
剛過2pm依然滿晒座, 食午餐o既人流未退…企嚮門口等下啦…遠處望去第一眼最搶就係見到城中名人陳總”志雲大師”同位熟女嚮度嘆茶!!...我地想要大梳化箱座位…稍等左5-8mins左右就俾左餐廳角落最尾果檯”自閉位”我地...o岩晒今日我地”三個女人一個墟”有排消磨啊…嘻嘻~~
餐前小食…例牌送上兩款醃菜…又酸又咸o既原隻小黃瓜我就真係受不了!!...醋酸椰菜絲就比較接近自己口味, 好醒胃!!
美式餐廳, 食物份量都大過人…而且餐廳其中有個賣點, 就係特製o既加大碼漢堡或熱狗, 超長潛艇三文治之類…同埋牛咁大一件o既切件蛋糕!!...所以即使好友最近下決心開始戒牛肉…都要為左試佢地o既漢堡扒而”破戒”一次!!
哈!!由於我地有更遠大o既目標 ~ 芝士蛋糕…所以先揀左一客Monster Beef Burger (8oz) $148齊齊分享…一客漢堡仲會配有炸薯條同炸洋蔥圈, 都好夠飽架!!...烘底包身…漢堡扒選左7成熟…厚身, 好夠肉汁亦夠肉香!!...生菜同蕃茄色澤靚夠新鮮…整個味道確係吾錯架!!... 炸薯條雖然未至於皮脆內熱, 只屬微温, 但薯味十足, 配埋個沙拉醬十分滋味耶!!
都真係飽左一半…餐廳亦已走淨一半客…先抖抖來杯咖啡嘆嘆…稍後再來甜品好了!!...普通Coffee ($58)…那些年係有free refill的, 今日都冇o羅!!...佢地o既咖啡又未算話好好味, 苦味偏濃, 溝埋暖和鮮奶配塊曲奇, 中和番OK啦!!...朋友o既Latte就$68…
係時候叫蛋糕!!…New York Cheese Cake ($98)…價錢吾便宜, 不過真係超重量級, 好似隻5號鞋咁大!! 哈哈~~濃度極高, 漿住把刀, 想分切都有難度!! 芝味化不開, 口感十足!!...三人細味一件已經好滿足!! 讚!!
差不多4:30pm, 客人都走晒…服務生請我地先行埋單…最後仲來個大驚喜: 原來話我地張信用卡2-5pm入座同埋單有6折優惠添播!!!…更加開心到嘩嘩聲!!...哩餐超值呢!!
張貼
