Main St. Deli (已結業)

Re-open第一日就走去試呢間高質西餐廳既Monster Challenge（11月15至12月14日每個星期一），可以係4款食物當中選一款去挑戰，只要兩個人係10分鐘內完成就可以免費，我地選擇左招牌Monster Burger，上台時見到個size係同之前一樣既，經理話其實係要連薯條同沙津都要食晒先計，咁岩酒店餐飲總經理Christian坐陣（可能係裝修完第一日佢黎睇場）佢豁免左我地唔駛食晒薯條同沙津，班staff都好cheerful，氣氛都唔錯。個burger同以前質素一樣咁好，肉有肉汁，連埋牛油果食唔會好“漏”，如果唔限時慢慢享受個包都唔錯，最終我地都勉強完成到，但如果連埋薯條同沙律都要食埋就應該會失敗了，10分鐘內要KO晒真係有難度架！不過就算完成唔到都食得開心既，食完後再叫多左兩杯奶昔飲，廢事咁核突食完人地隻車就走，朱古力奶昔棉花糖俾好多好闊綽，最後埋單200蚊有找