影片
更多
2018-09-03
4985 瀏覽
又黎到我地既每個月拍拖紀念日喇，今個月就由我請男朋友去食好野喇。(男朋友叫我咁打，但事實係大部分時間都係我請佢食😑😂)AVA Restaurant Slash Bar今次去左食Brunch Semi-Buffet💓餐廳係38層，居高臨下，可以望住海景食飯真係好享受。每個Brunch Set 都可以去Buffet Table 任食，包括有餐湯、前菜、沙律、芝士、海鮮、熱食等等。而我既餵食男朋友，未揀好Main Course 就衝左出去Buffet Table作戰。😂咁輕輕介紹下喇！我地主要食左：生蠔，鮮蝦，長腳蟹腳，蜜瓜配Parma Ham，Egg Benedict、鵝肝、Smoked Salmon 等等😋食完Buffet 就差不多接住上主菜，咁就等我講下Main Course 有乜選擇喇，每位都會有半隻焗龍蝦。龍蝦大大隻，啖啖蝦肉，仲有好多膏。而龍蝦鉗亦好有肉，不過蝦肉就偏咸。主菜餐牌應該每個週末都唔同，因為見到佢有寫日期的。今個weekend 既選擇有：1）男朋友摯愛既牛 - 烤美國5OZ 牛脊肉 (Medium) 🐂🐄一上菜就先聞到好香既薯條味，仲可以叫Waiter 拎ketchu
AVA Restaurant Slash Bar
今次去左食Brunch Semi-Buffet💓餐廳係38層，居高臨下，可以望住海景食飯真係好享受。
每個Brunch Set 都可以去Buffet Table 任食，包括有餐湯、前菜、沙律、芝士、海鮮、熱食等等。
而我既餵食男朋友，未揀好Main Course 就衝左出去Buffet Table作戰。😂
咁輕輕介紹下喇！我地主要食左：
生蠔，鮮蝦，長腳蟹腳，蜜瓜配Parma Ham，Egg Benedict、鵝肝、Smoked Salmon 等等😋
食完Buffet 就差不多接住上主菜，咁就等我講下Main Course 有乜選擇喇，每位都會有半隻焗龍蝦。龍蝦大大隻，啖啖蝦肉，仲有好多膏。而龍蝦鉗亦好有肉，不過蝦肉就偏咸。
主菜餐牌應該每個週末都唔同，因為見到佢有寫日期的。
今個weekend 既選擇有：
1）男朋友摯愛既牛 - 烤美國5OZ 牛脊肉 (Medium) 🐂🐄
一上菜就先聞到好香既薯條味，仲可以叫Waiter 拎ketchup and mustard
牛脊肉煎得好靚，唔會硬，亦都好Juicy
2）輕盈之選 - 香煎紅鯔魚🐟
魚塊都唔細，食落好嫰滑。今次真係長知識，原來高級餐廳食魚唔係用刀切，係用一把類似牛油刀既餐具切魚塊的。但係配魚既「意大利米狀意粉」就好特別，唔係好食得慣滑潺潺既口感，唔識得欣賞添🤐
最後，Buffet Desserts有movenpick 雪糕，有雲呢拿、朱古力、士多啤梨with 果肉！！仲有葡撻仔、焦糖布甸、朱古力噴泉等等等等！🍰🍦
最後飲埋杯Tea With Lemon 檸檬茶就飽飽嚕。
溫馨提示！訂位 同 落單都要用英文，所以記得諗好先叫Waiter / waitress。又或者可以帶英文好既朋友去咁就無憂無慮喇😉😉
張貼
