鳥森 (已結業)

烏森係一間專食雞串燒既居酒屋🏮呢到特別在有個串燒omakase，係其他居酒屋較少見。Mori Omakase $680/p包左8串雞串燒 、1款燒物、1款麵/飯，仲有湯同甜品。既然全部都係雞串燒，當然會食到啲平時好少食既部位。蔬菜條，可以清新味蕾，點麵豉醬食。🍢雞頸肥瘦適中，肉質彈牙。🍢雞皮香口，脆到不得了。🍢雞腳筋煙韌，口感超爽脆。🍢免治雞肉棒呢款好特別因為佢唔係用生雞蛋，係用左溏心蛋！雞肉肉汁濃郁。🍢雞心丸雖然少食內臟，但呢個味道我接受到。口感彈牙無內臟腥味。🍢雞胸軟骨呢個第一次食，真係食佢爽脆個口感。🍢雞腿肉啖啖肉，肉質夠嫩。🍢雞翼一夜乾通常啲魚都會做一夜乾，即係醃漬同風乾呢個程序，估唔到雞翼都可以咁做。個皮燒得好焦香，肉質紮實。👅厚燒牛舌芯牛舌芯真係成條牛舌最好味部份！口感軟嫩多汁又有嚼勁，絕對可以encore！🐟白鱔個皮燒得夠脆，係個魚肉略嫌唔夠爽。🐓雞湯雞湯味道濃郁，好似飲緊雞精既感覺。🍜安格斯稻庭烏冬有一大片牛肉，烏冬彈牙。🍚惠比壽炭火親子丼呢個醬汁稍為落多左啲，有少少咸。🥚牛奶蛋白布甸食落滑捊捊。