影片
更多
2018-07-19
2014 瀏覽
網上見到MOSCHINO 同Ritz Carlton 有個聯乘High Tea，於是一星期前打去book位，搵個理由扮吓港女，同朋友茶聚。官方照片睇落都幾多款式幾精緻同夠飽High tea由 3:30pm開始，去到門口已經見到signature 嘅Teddy恭候見位fans！一心諗住食完tea落shop睇吓隻Teddy幾錢，原來shop無得賣...如果有人去tea，可否話我知幾錢天氣好嘅日子，坐窗邊嘆tea真係無得頂！食完充滿杏脯肉同開心果嘅鬆餅，主角登場！呢個set淨係影相都值回票價啦！我後面有枱姐姐影呢個層架都影咗一粒鐘架！第一層係咸點，味道ok！呢個脆皮雞絲意大利飯球，咬落去真係見到飯粒，不過淡而無味...甜點都不過不失！呢個香水盒，面果塊朱古力咬落似A4紙，大家影相就算喇！入面係桃+朱古力，食落酸酸甜甜，唔錯！對比返官方圖片，真實份量較少，收$688加一真係比較貴。不過有名牌子聯乘就貴一貴都要幫襯啦！scan 層架QR code落到樓下shop仲可以換5ml特別版香水！
官方照片睇落都幾多款式幾精緻同夠飽
High tea由 3:30pm開始，去到門口已經見到signature 嘅Teddy恭候見位fans！
一心諗住食完tea落shop睇吓隻Teddy幾錢，原來shop無得賣...
如果有人去tea，可否話我知幾錢
天氣好嘅日子，坐窗邊嘆tea真係無得頂！
食完充滿杏脯肉同開心果嘅鬆餅，主角登場！呢個set淨係影相都值回票價啦！
我後面有枱姐姐影呢個層架都影咗一粒鐘架！
第一層係咸點，味道ok！
呢個脆皮雞絲意大利飯球，咬落去真係見到飯粒，不過淡而無味...
甜點都不過不失！
呢個香水盒，面果塊朱古力咬落似A4紙，大家影相就算喇！
入面係桃+朱古力，食落酸酸甜甜，唔錯！
對比返官方圖片，真實份量較少，收$688加一真係比較貴。不過有名牌子聯乘就貴一貴都要幫襯啦！
scan 層架QR code落到樓下shop仲可以換5ml特別版香水！
題外話/補充資料：
埋單果陣，聽到女侍應同後面2枱講scan QR code可以落MOSCHINO shop換小禮物，但佢無同我哋講，我哋又搵唔到QR code, 唯有自己google，原來層架有QR code，於是叫返果位女侍應問，佢話：你scan咗個code入條link未?個頁面唔係咁架喎...
我問佢QR code係邊?佢先發現我哋個層架無QR code，話拎返個code俾我哋，當然佢無再返嚟啦...
我唯有好樣衰咁借人哋個code scan，填完資料，落 shop就可以換到5ml特別版香水！
樓下班sales熱情招待同女侍應嘅服務態度成強烈對比，見到sales咁nice，迷你香水又咁cute，開心返晒！
(以上食評乃用戶個人意見 , 並不代表OpenRice之觀點。)
張貼
