影片
更多
2021-08-13
11041 瀏覽
午市自助餐12點開始，主要分開甜品，沙律凍肉芝士，海鮮，中式燒味點心，現切烤牛肉火腿+少量西式主菜，日式鐵板燒肉類蔬菜類，比薩，現炸天婦羅，中式熟食，東南亞咖哩，日式刺身壽司，飲品。我係有優惠卷，所以唔洗$100一個人~*海鮮龍蝦鉗，實肉，但最低個鉗位有啲乾，唔知點解第一輪最好食。長腳蟹，重海水味，水啲但鮮甜，抵食。大蝦，普通。青口，細隻冇味。現開生蠔，可惜冇相，甜，新鮮，但細粒冇肉，又要排隊，嘥氣。刺身壽司刺身新鮮，三文魚滑嫩，呑拿魚瘦，一般，鯛魚有咬口，八爪魚就冇乜味，仲有啲壽司，日式麵，螺肉中華沙律。沙律凍肉芝士沙律來來去去都係嗰幾種，菜類，粟米青瓜蕃茄仔，有幾類醬料沙律，普通冇咩特別。凍肉有火腿salami巴馬火腿等等，質素一般正常。芝士有個簡單嘅盤，兩種硬芝士一種軟芝士，都係正常普通。比薩，現炸天婦羅天婦羅係蔬菜類，番薯，薯仔，南瓜，現炸夠熱，但麵衣厚身，並且偏淡。比薩賣相得，但自助餐嘅話唔抵食。現切烤牛肉火腿+少量西式主菜烤牛肉有牛肉味，中間半熟唔會太韌，有少少筋，唔錯，有黑椒汁同牛肉汁可以自己揀。火腿我就冇試喇。見到有芝士菠菜雲吞食，食完覺得好膩，雲吞皮都好腍，一般。仲有
我係有優惠卷，所以唔洗$100一個人~
*
海鮮
龍蝦鉗，實肉，但最低個鉗位有啲乾，唔知點解第一輪最好食。
長腳蟹，重海水味，水啲但鮮甜，抵食。
大蝦，普通。
青口，細隻冇味。
現開生蠔，可惜冇相，甜，新鮮，但細粒冇肉，又要排隊，嘥氣。
刺身壽司
刺身新鮮，三文魚滑嫩，呑拿魚瘦，一般，鯛魚有咬口，八爪魚就冇乜味，仲有啲壽司，日式麵，螺肉中華沙律。
沙律凍肉芝士
沙律來來去去都係嗰幾種，菜類，粟米青瓜蕃茄仔，有幾類醬料沙律，普通冇咩特別。凍肉有火腿salami巴馬火腿等等，質素一般正常。芝士有個簡單嘅盤，兩種硬芝士一種軟芝士，都係正常普通。
比薩，現炸天婦羅
天婦羅係蔬菜類，番薯，薯仔，南瓜，現炸夠熱，但麵衣厚身，並且偏淡。比薩賣相得，但自助餐嘅話唔抵食。
現切烤牛肉火腿+少量西式主菜
烤牛肉有牛肉味，中間半熟唔會太韌，有少少筋，唔錯，有黑椒汁同牛肉汁可以自己揀。火腿我就冇試喇。見到有芝士菠菜雲吞食，食完覺得好膩，雲吞皮都好腍，一般。仲有番茄意式肉丸，可惜冇試。
日式鐵板燒肉類蔬菜類
燒蔬菜長期沽清，有茄子，綠色黃色翠玉瓜，燒到少少焦香，調味夠又冇草腥味，好食。牛舌一般，厚身但冇牛肉味。
甜品
有幾款大蛋糕，小蛋糕撻，水果，中式糕點，曲奇餅。
馬卡龍，有好多唔同味，但好硬又唔夠杏仁香，得個甜字。
士多啤梨撻，香濃士多啤梨味，唔會假，又唔係太甜，可惜撻底腍左。
朱古力蛋白撻，偏甜，重朱古力味，好食，可以再嚟一件。
芒果拿破侖，脆身但食唔到芒果果肉同吉士忌廉，層次感好差。
奶凍，唔夠奶香，唔夠軟身。
草莓乳酪凍，軟身，甜多過酸，草莓醬過甜太假。
抹茶焦糖燉蛋，焦糖係焦糖糖水，抹茶燉蛋滑身，茶味甘甜。
12種movenpick雪糕任你揀，有人幫手挖，要多要少要講聲。仲有麵包布丁，乾但好脆嘅窩夫，萄撻，旁邊仲有現場整法式crepe。
張貼
