Mövenpick (已結業)

Apm既一田開咗呢間Movenpick後，成日心思思想黎，因為經過就會聞到佢地焗cone嘅香味，聽聞係啲cone係即叫即整（仲要加錢的）！一田呢度仲有幾張枱可以坐底食有日經過就買一杯雙球試下，但係太飽就只叫紙杯試試。有成幾十個口味，真係花多眼亂，最後㨂咗瑞士朱古力同埋士多啤梨味，埋單要成69蚊！果然係貴價雪糕🍦朱古力味一向都高水準，朱古力味濃郁，又有朱古力碎，口感好正，士多啤梨味嘅雪糕真係有士多啤梨果肉，酸酸甜甜唔覺就食晒！