牛扒先生 (東港城) (已結業)

想試呢間好耐喇，開左係東港城咁近我，成日經過見到menu都好吸引！點一個main course就可以任食入面嘅甜品同沙律吧😝今晚終於拉到媽媽同我一齊去食❤️餐廳環境雖然唔算好大，但做到同食buffet一樣feel呢🥰沙律吧款式超多！而且一啲都唔hea，仲幾高質素，尤其菇菌帶子、草醬南瓜、薯仔沙律、 雜果沙律伴蝦！淨係食呢啲都勁滿足🤤主菜我要左香煎三文魚、芝士焗扇貝配黑松露意大利飯媽媽係芝士焗龍蝦、香煎三文魚配薯蓉，呢份配多一個海鮮拼盤，全部都好新鮮，尤其是青口一啲都唔韌😭❤️兩份嘅三文魚都做到好出色！煎到外脆內嫩，肉質新鮮唔會有魚腥味，油香十足，入口嗰種嫩滑感真係無得輸🤤(本來一開始仲擔心會煎到好乾好鞋🐒)甜品方面款式一般般，最開心係有芝士蛋糕、芝麻糊同豆腐花！最驚喜係芒果布甸整到好好食！芒果味重又夠滑，重點唔太甜👍🏻芝士蛋糕可能室溫太耐變軟左，但味道唔錯，係甜甜地嘅芝士味，配下面咸香餅底好夾！餅底雖然偏厚，但係好食嘅就唔怕，而且仲有脆脆地😆芝麻糊甜甜地配無糖豆腐花啱啱好，唔洗落糖，可以自製芝麻糊豆腐花🤤豆腐花係凍嘅，芝麻糊又太熱😂兩個Mix埋溫度啱啱好食得🐒其他甜品就好似放題嘅款式，批發