Café&Meal MUJI (已結業)

MUJI CAFE應該係我最常黎既餐廳之一,每人季佢地都會換上新既餐單配合返當造季節既食材去製作食品,相當用心.菠蘿椰子撻菠蘿椰子撻賣相好靚！上層鮮黃色既菠蘿香甜而且帶微微酸香好清新.撻底又唔會過硬而且帶一陣牛油香.除左牛油香外,撻底及菠蘿之間加上一層椰絲充滿椰香甜味又帶點爽脆感層次分明又增加口感.略嫌撻皮微微偏乾.當做下午茶又唔會好膩,係一個唔錯既選擇.牛乳軟雪糕第一次係Muji cafe食到軟雪糕！幾surprise既係估唔到牛乳味都幾濃.入口香滑又creamy,味道亦都唔會過甜.