MUM 日常野菜料理 (已結業)

今日搭南港島線去到黃竹坑附近，同朋友喺地鐵站附近搵嘢食，見到係間大型商業大廈下面有好多唔同食肆。 見到有一間好有特色嘅日本料理餐廳，於是就入去試下，我哋分別叫咗個鮮茄通心粉，黃豆粉麻薯，再加一碟意粉沙律。 我哋拎住佢個牌返自己個位，過咗一陣點店員送上鮮茄通心粉同黃豆粉麻薯，佢哋放喺同一個托盤上面送上。鮮茄通心粉用個大杯裝住，入邊充滿鮮茄味，味道好清新而通粉都吸曬鮮茄味。至於個麻薯好煙韌，同啲黃豆粉好夾。 隔多一陣店員亦都送上意粉沙律。意粉沙律個碟好大，而且份量唔少，上面有好多蝴蝶結意粉，同好多新鮮嘅生菜，再加上一啲野菌菇，同埋一啲黑醋，味道好清新同埋健康。