影片
更多
2019-07-15
700 瀏覽
今日放工去食飯，諗起呢間餐廳逢星期一有做任食青口優惠所以就過嚟。這間餐廳其實我黎過好多次，好多菜式我都試過，意粉漢堡牛扒都有水準，但係青口就特別好食。平時要半kg或者一kg咁嗌，就唔可以試好多款，所以我好鍾意星期一過嚟用一個價錢任食青口試多幾個味。今晚因為過咗8點，無Happy Hour，所以就冇叫到嘢飲。如果唔係平時我會叫佢哋啲比利時啤酒，有好多唔同嘅選擇，或者cocktail都係半價。今次係第二次食呢個任食青口，上一次添左兩次配菜嘅薯條同埋麵包因為實在係太好味，搞到好飽，最後兩個人淨係食咗三碟青口。今次主要食青口，總共有六款青口，我哋叫咗當中嘅五款。Hoegaarden 同 Mariners 調味比較簡單食到青口嘅原味，一個係落咗啤酒煮而另一個就落咗白酒煮，睇吓你鍾意邊個味。Provencale 調味就比上面嗰兩款重少少，帶有香甜嘅蕃茄味。而Laksa 呢個調味幾重，喇沙口味，有香濃嘅咖喱同埋香茅味，我幾鍾意呢個。Mediterranean 材料有辣肉腸，所以呢款比較香口同會有啲肉味，重口味的會鍾意呢個。每人食咗三碟青口，好滿足。性價比非常高，難怪星期一晚上幾乎滿座。如果星期一出去
這間餐廳其實我黎過好多次，好多菜式我都試過，意粉漢堡牛扒都有水準，但係青口就特別好食。平時要半kg或者一kg咁嗌，就唔可以試好多款，所以我好鍾意星期一過嚟用一個價錢任食青口試多幾個味。
今晚因為過咗8點，無Happy Hour，所以就冇叫到嘢飲。如果唔係平時我會叫佢哋啲比利時啤酒，有好多唔同嘅選擇，或者cocktail都係半價。
今次係第二次食呢個任食青口，上一次添左兩次配菜嘅薯條同埋麵包因為實在係太好味，搞到好飽，最後兩個人淨係食咗三碟青口。
今次主要食青口，總共有六款青口，我哋叫咗當中嘅五款。Hoegaarden 同 Mariners 調味比較簡單食到青口嘅原味，一個係落咗啤酒煮而另一個就落咗白酒煮，睇吓你鍾意邊個味。
Provencale 調味就比上面嗰兩款重少少，帶有香甜嘅蕃茄味。而Laksa 呢個調味幾重，喇沙口味，有香濃嘅咖喱同埋香茅味，我幾鍾意呢個。Mediterranean 材料有辣肉腸，所以呢款比較香口同會有啲肉味，重口味的會鍾意呢個。
每人食咗三碟青口，好滿足。性價比非常高，難怪星期一晚上幾乎滿座。如果星期一出去食飯，呢度真係一個幾好嘅選擇。
張貼
