八王子居酒屋 (已結業)

我們一行五人到八王子日本料理-TST, 因為我之前去過好多人,所以我們喺月頭已訂月尾位,我地大概叫咗九種美食, 先嚟天婦羅蝦手卷+三文魚手卷手卷冇咩特別, 服務員已提醒我們已快食手卷,因為擺耐咗紫菜會唔脆, 於是我第一時間食, 紫菜都係唔脆, 最搵笨係天婦羅蝦手卷, 隻蝦係細到蝦米咁細,真係搵笨實!再上串燒拼盤, 包括有: 雞翼,雞軟骨,雞肉粒,雞皮,雞賢及車厘茄,最我係雞翼,雞軟骨,雞皮, 皮脆肉香, 好得, 其他冇特別!又上壽司拼盤, 包括有: 三文魚,吞牙魚, 墨魚, 海膽, 帶子, 甜蝦 等等壽司,但係全部都冇特別!再嚟明太子雞翼, 雞翼上有醬汁, 芝麻, 入口好香, 肉好滑, 唔錯, 值得一試!跟住嚟個芥辣八爪魚, 入口感覺唔好, 有點臭嘅感覺, 想嘔, 好唔得!再上香蔥吞拿魚卷, 魚肉新鮮, 幾好唔錯!最後嚟個特色和風醬汁雞膇, 當初冇期望, 一入口嘩勁正呀, PERFECT!*(MUST TRY)總括嚟講大家一定要訂位, 座位都幾舒適, 仲有一個係日本人服務員, 上菜時間都好快, 大家可以一試呀!