森巴餐廳 (已結業)

今日充滿驚喜....當一踏進餐廳門口己經覺得好靚同浪漫!環境都幾靜...就算有人傾計都唔會好噪! 今日我BB帶去依間餐廳慶祝我既生日! 一坐低就有一隻紅雞蛋同埋生日咭為我而設好有心思~ 我地叫左個二人套餐! 好多野食揀...三道小食三道前菜兩個湯加芝士QQ飽兩個主菜兩個甜品兩杯有汽果汁兩杯餐飲仲有一個特別為我而設既火焰雪山(可以寫名係碟到)每一樣野食都好好味~ 完美完美完美!!!色香味全部俱全, 而每個侍應既服務態度都好好.每度菜都不用等太久!尤其老闆服務態度一讚, 全程笑面迎人, 服務細心!另外生日個一位朋友會有抽奬機會同埋係火焰雪山黎既時候會有人熄燈播生日歌! 十分驚喜! 不過提提大家, 如果想做第一個播生日歌既人就請早少少去...因為都幾多人係個到慶祝生日...所以到八點半後既時間都不停熄燈同播生日歌! 而我好幸運同我BB都好醒目地BOOK左七點去食, 所以我變左做第一個播生日歌同食火焰雪山既人! LUCKY~~P.S. 依一個生日真係好難忘!我唔會忘記!從來未試過咁驚喜, 一生一世都會記住和一生一世都想愛我既BB~