Waffills (已結業)

時下港女最鍾意食 3 層架high tea，查實朕話你知港男都一樣係！  不過有時 tea 食得多，試下新野食吓比利時窩夫都好！  大家識阿文咁耐，都知朕唔鍾意羊群心理，隔離果間日本綠茶舖點解咁鬼多人三十幾度都仲要排，實在令人費解。  呢間 waffills 開左好幾個月，一直都好想黎食，今次我就蘋果癮發作，唔理咁多，即刻嗌咗個「雪糕蘋果批窩夫」！  呢個窩夫玉桂味好香，而且窩夫裏便嘅餡料通通都係暖暖既蘋果肉！甜得來又酸酸地，好開胃！但係最緊要都係個雪糕！  佢呢度分普通版同比利時版（即係奢華版）。朕雖然係天之驕子，同時份人為人低調，所以當然係揀咗「奢華版」。本月之選係 summer berries ice-cream 佢酸酸地嘅口味其實同蘋果餡窩夫十分夾。因為本身蘋果都已經有果糖，再甜落去真係不得之了，所以陪啲酸酸地嘅雪糕最啱！  不得不提嘅係佢嘅窩夫，熱辣辣嘅窩夫、甜耶耶嘅果肉、脆卜卜既外層、軟綿綿嘅蘋果餡料，加埋鮮忌廉食罪惡感超強，但我相信唔食嘅話，內疚感更大。