影片
更多
2010-10-27
23-10-2010路過呢間拉麵店 N 次都未食過, 是日趁可以早了一點食 dinner, 呢度仲要得一檯客 , 又入嚟試試. 2 人約 7:00pm 坐低, 叫了一人一拉麵, 再 share 一客唔小的「小食」, 整體係覺得幾好食, 不過價錢實在超貴喎:-煙燻幸福麥豬配 buffalo mozzarella ($120; 正名不明): 餐牌上有「焗」的另一款及煙燻呢款, 不過店員話「焗」的係「腩位」, 煙燻的就係豬肩位,「無咁肥」, 怕飽膩的我哋當然揀了後者. 即叫即 smoke (!), 面頭有撻溶了的 buffalo mozzarella, 仲有大量黑胡椒醬汁, 食落肉質鬆軟亦有肉汁, 味道幾 "smoked", 但黑胡椒味太太太太太搶了, 亦愈食愈辣, 唔算十分喜歡; buffalo mozzarella 預咗較淡味, 再遇上超勁濃烈的黑胡椒味,「存在感」當然變得更「渺小」吧. 鹽味拉麵 ($100): 湯底勁熱, 賣相清澈呈淡金色, 飲落係清而不寡的雞湯味道, 真材實料的 叉燒薄如 carpaccio , 食落亦嫩滑; 麵條亦幾爽滑, 不過都幾鹼水, 掃興 整
23-10-2010
路過呢間拉麵店 N 次都未食過, 是日趁可以早了一點食 dinner, 呢度仲要得一檯客 , 又入嚟試試. 2 人約 7:00pm 坐低, 叫了一人一拉麵, 再 share 一客唔小的「小食」, 整體係覺得幾好食, 不過價錢實在超貴喎:-
煙燻幸福麥豬配 buffalo mozzarella ($120; 正名不明): 餐牌上有「焗」的另一款及煙燻呢款, 不過店員話「焗」的係「腩位」, 煙燻的就係豬肩位,「無咁肥」, 怕飽膩的我哋當然揀了後者. 即叫即 smoke (!), 面頭有撻溶了的 buffalo mozzarella, 仲有大量黑胡椒醬汁, 食落肉質鬆軟亦有肉汁, 味道幾 "smoked", 但黑胡椒味太太太太太搶了, 亦愈食愈辣, 唔算十分喜歡; buffalo mozzarella 預咗較淡味, 再遇上超勁濃烈的黑胡椒味,「存在感」當然變得更「渺小」吧.
鹽味拉麵 ($100): 湯底勁熱, 賣相清澈呈淡金色, 飲落係清而不寡的雞湯味道, 真材實料的 叉燒薄如 carpaccio , 食落亦嫩滑; 麵條亦幾爽滑, 不過都幾鹼水, 掃興 整體其實幾好食, 但收人 $100 一碗卻連鹼水味都去唔清, 感覺實在有點兒那個.
朋友食醬油拉麵 ($100) 加半熟蛋 ($12)... 隻蛋俾我食了半隻 , 又真係夠溏心 (而非「流」心!) 入味, 蛋黃濕潤香甜, 早知我都加一隻 醬油湯底當然多一份魚乾味, 肉味及濃鮮, 味道亦較有層次, 配上爽滑又無咁鹼水的麵條 (歸功於較濃味的醬油湯底遮遮掩掩?), 比我碗鹽味湯底的好食得多! 不過賣 $100 一碗抵唔抵, 又見仁見智.
食物不錯, 環境就幾型格, 似 lounge 多過拉麵店 , 店員們亦有禮貌又 helpful, 配套都好的.
埋單連加一近 $200 一個頭, 好似早幾個月喺新宿幫襯某拉麵連鎖的本店, 都唔使咁貴...
張貼
