影片
更多
2007-07-02
20 瀏覽
真係超級垃圾!不禁要學蘇c黃咁講一句,執左佢,執左佢,執左佢!!!!食左$198和牛,一睇上去己經得d頭頭尾尾,仲超多肥羔,有d想叫佢換過佢,鞋口的,一句講曬,難食!同上次cwb果間有得比!阿媽屋企整果d街市買仲好食!得少貓三四塊己經唔提! 仲有個乜藍莓汁鵝肝鴨胸,一樣係垃圾,無味,d鵝肝唔知想點,又散又無味! 隻大帶子,本來個樣幾impressive,因為真係好大隻!成隻放落去燒! 點知一食就出事!淨係得香草味既???完全無帶子味,唔知食左乜咁!蘇c黃話食海鮮最緊要食原味,落蒜蓉佢都話唔得!今次真係離譜,香草味蓋過一切,仲要係陣味都唔好食! 再黎一個海鮮燒餅,一黎個樣己經又細個,仲要煎到黑炭咁!真shit!個味都唔駛提啦,都係無味,同埋無料! 垃圾,垃圾,垃圾!總括而然,成間野d野食都係垃圾!不禁講左好多句：執左佢啦!!! D野食都唔講啦,講服務,sorry,係無的!叫人針水,應左你之後當無件事!叫左杯野飲,好耐都唔黎,要追單,明明都無乜人,有乜理由咁耐?一定係漏單啦!好采哥仔黎時都補一句,唔好意思要你等咁耐!叫埋單,都係無人的,要自己行出去叫,叫左都係好耐無人埋的!PS Adam
PS Adam cheng: 究竟點解有人話呢間野好食? Yee hing Wong: 呢個係一個”謎”!
張貼