Never Too Late Dining (已結業)

之前成日話我呢個大媽要去開發大西北，嗱嗱嗱! 終於有機會又俾我「恨」到。 甘未開發之前，都要同好朋友食返餐靚飯先，唔係點夠氣力去跳廣場舞。多謝好朋友book左呢間餐廳 "NEVER TOO LATE"，好有意思。七點未到，餐廳半滿，待應溫文有禮，甘食客感覺都輕鬆又舒服。好想鋸扒，點左set dinner要well done。Set dinner有沙律、餐湯，主菜同餐飲。沙律都幾新鮮，開胃口一流。麵包雖然未去到外脆，至少麵包表皮唔會好硬同難咬，麵包內結構睇到到幾多氣泡，食落相當富質感，而唔係只有虛無的空氣感。蕃茄雜菜餐湯對我講黎口感就濃左少少，個人偏好問題，佢本身個湯係ok。次次食牛扒我都一定會千叮萬囑well done全熱，不過黎到對我黎講都係仲係有d生，只好叫佢地再返煎 以呢個價格黎講，佢d牛扒質素都算係合理，至於個薯蓉都食得出係有花心思同認真做，有薯味而水份比例合適，唔會「漿」住個口。而牛扒醬汁亦起到一減吊起牛扒牛肉味，而同時減去油膩感的作用。熱檸水檸檬新鮮，切得好薄，好香檸檬味，食到甘飽，有d睡意之時，飲返啖熱檸水，精神返。呢度幾適合同朋友吹下水，幾舒服，仲好鍾意佢張卡片 "NE