影片
更多
2005-01-28
31 瀏覽
意粉屋每兩三個月就會推出新菜色同新套餐, 今期其中一個餐叫創意之選, 餐包括:意式薄燒牛肉配五色菜絲(黑醋汁) 或意式煙鴨胸肉配五色菜絲(黑醋汁); 鐵板奇脆海鮮批一個;三文魚龍蝦湯扁意粉一碟;飲品兩杯我唔鍾意食肉, 所以就由爹地同細妹揀左煙鴨胸肉配五色菜絲, 煙鴨胸肉共有七片(如果冇數錯), 五色菜絲係有深綠色既小麥草; 青白色既洋蔥絲, 好幼好長; 橙色既紅蘿蔔絲, 又係好幼好長; 仲有紅色既紅燈籠椒絲同黃色既黃燈籠椒絲, 另有幾片生菜墊底! 我雖然唔好食肉, 但爹地同細妹話好味, 於是我都試左一片, 將一片鴨胸捲住五色菜絲黎食, 因為上枱時已經有一件鴨胸卷捲好左, 所以我地都照樣捲黎食, 我覺得味道都唔錯, 菜絲好新鮮, 鴨胸又好嫰! d菜絲都幾多, 捲晒d鴨胸都仲有剩, 不過可能因為係我地捲得少! 至於個黑醋汁, 我都唔記得左點黎食, 食晒先記得, 我細妹話個汁好味喎!鐵板奇脆海鮮批, 個size我諗比一個細批細少少啦, 呢個批唔似一般既意大利薄餅, 而係好似日式既薄餅, 個批邊好香脆, 批底好薄, 批餡原來係薯蓉黎架, 初時都估唔到, 食落口先知, 都幾驚喜, 面頭就有細細粒
意式薄燒牛肉配五色菜絲(黑醋汁) 或意式煙鴨胸肉配五色菜絲(黑醋汁);
鐵板奇脆海鮮批一個;
三文魚龍蝦湯扁意粉一碟;
飲品兩杯
我唔鍾意食肉, 所以就由爹地同細妹揀左煙鴨胸肉配五色菜絲, 煙鴨胸肉共有七片(如果冇數錯), 五色菜絲係有深綠色既小麥草; 青白色既洋蔥絲, 好幼好長; 橙色既紅蘿蔔絲, 又係好幼好長; 仲有紅色既紅燈籠椒絲同黃色既黃燈籠椒絲, 另有幾片生菜墊底! 我雖然唔好食肉, 但爹地同細妹話好味, 於是我都試左一片, 將一片鴨胸捲住五色菜絲黎食, 因為上枱時已經有一件鴨胸卷捲好左, 所以我地都照樣捲黎食, 我覺得味道都唔錯, 菜絲好新鮮, 鴨胸又好嫰! d菜絲都幾多, 捲晒d鴨胸都仲有剩, 不過可能因為係我地捲得少! 至於個黑醋汁, 我都唔記得左點黎食, 食晒先記得, 我細妹話個汁好味喎!
鐵板奇脆海鮮批, 個size我諗比一個細批細少少啦, 呢個批唔似一般既意大利薄餅, 而係好似日式既薄餅, 個批邊好香脆, 批底好薄, 批餡原來係薯蓉黎架, 初時都估唔到, 食落口先知, 都幾驚喜, 面頭就有細細粒既蝦肉, 帶子肉, 蜆肉, 青椒絲咁, 仲有幾條好似蠔油咁既色既醬, 整體既味道都幾好味, d薯蓉唔係好多好實, 所以唔覺漏, d醬唔太多但幾野味, 海鮮料都唔差, 不過略嫌少左d, 如果多d海鮮料, 呢個批就更加豐富!
三文魚龍蝦湯扁意粉, 呢個係三個菜色中最普通, 唔特別既一個, 熟既三文魚, 大大粒, 唔多過十粒, 扁意粉同龍蝦湯底都係意粉屋一貫既水準, 係好味, 不過份量好細, 三個人share, 每人大約一小碗! 另外, 意粉上面加左數條晶瑩剔透既粉絲, 都幾搶眼!
總括呢個餐都食得過, 推介一試!
張貼