GALBI TOWN

營業中

休息中

我今日真係超級開心，我搵到一間超新超乾淨超好食嘅韓國餐廳！呢間韓國餐廳嘅侍應全部都係韓國人，加上好多客人都係韓國人，代表着啲嘢食一定係超正宗，超好食！呢度地方超大，又有多間私人房，裝修係行簡約風，坐得非常舒服。上網見到好多人都有叫醬油蟹，但係我見到佢哋有買韓牛，就覺得勁吸引，所以就選擇咗要韓燒，今日叫咗兩份韓燒，其中一樣係marinated galbi，第二樣就係hanwoo，真係食得出有分別，雖然我自己覺得最好食嘅部位就係galbi，但係韓牛真係冇得輸，真係入口即溶。而且呢度都有店員會幫你燒到佢剛剛好，肉質嫩滑，調味又唔會太鹹，加埋泡菜一齊食真係超正！另外都叫咗個辣豆腐湯，唔會太辣，但係好多豆腐，加埋個湯底真係好似韓國食到嘅嗰種味道！另外一樣叫咗嘅就係生牛肉拌飯，佢用咗超多唔同嘅蔬菜，加埋生牛肉拌飯，真係好吸引！ 呢間我一定會再同其他朋友再嚟，因為真係太好食！