薄餅吧 (已結業)

自從一年前Penta hotel 喺新蒲崗開張後，時時聽同事話酒店内的pizza 好抵食，最近先去試試pizzabar。每個pizza嘅size 幾大，比一般lunch set 嘅6”pizza大，大約10”x6"長方形，而我個人比較鍾意薄身一點，呢度嘅pizza雖然唔係最薄身的一種，但十分鬆脆，而且每款pizza材料十足，而今日食嘅Parma ham pizza十分足料，再加上我最愛嘅火箭菜，雖然唔能夠食完全個pizza,但係已經係十分滿足嘅lunch。朋友order嘅辣肉腸pizza亦唔錯，略嫌餅底太厚。一向十分鍾意Arizona,其中Ice lemon tea 係至愛。最重要係，如果比錢用信用咭，有85折優惠，呢度嘅pizza 大約$48-55, 再加上85折後真係十分之抵，而且呢度雖然唔係好多位，但始終酒店較新，而且隱藏於工廠區之內，暫時仍十分容易於lunch time 揾到位。