影片
更多
2015-10-28
360 瀏覽
今日同兩個姊妹係旺角食完晚飯， 想搵個地方坐下傾下偈。 有人就提議話去甜品舖食甜品。呢間Next Station Dessert我個friend 話已經幫襯過幾次。 環境好好坐， 而且每一種既西式甜品都好好味, 甜品賣相亦都好靚。 岩曬我地呢d鍾意相機食先既女仔。 可能因為都成9點幾 ，所以唔多人排隊 。五分鐘到已經安排到我地入座。我地三個都係芒果迷， 所以都嗌咗兩個芒果的甜品 。第一個係芒果拿破崙($58)。個酥皮非常之脆卜卜。芒果亦非常甜， 吉士醬岩岩好唔會太甜。裝飾用咗焗朱古力蛋白同紅色晶瑩剔透嘅糖片，睇得又食得。 我地將個拿破崙切開三份， 竟然都冇散開喎,次次食餐拿破崙都會食到通枱係，所以真係好難得。 第二個甜品係芒果班戟($56)，呢個班戟好好味，個pancake皮好軟熟，上面淋咗d芒果醬汁，入面有鮮芒果肉，忌廉同朱古力脆脆，口感好豐富。仲有芒果雪糕，食落有啲似芒果乳酪，各位芒果迷一定唔可以miss呢一道甜品啊！第三樣甜品係朱古力心太軟加自選酒心(三選一:Bailey,橙酒，士多啤酒酒同朗娒酒)，哈哈，我估朗娒酒應該係Rum酒卦~~ 今次揀咗Bailey's 。食之前將酒吱入
我地三個都係芒果迷， 所以都嗌咗兩個芒果的甜品 。
第一個係芒果拿破崙($58)。個酥皮非常之脆卜卜。芒果亦非常甜， 吉士醬岩岩好唔會太甜。裝飾用咗焗朱古力蛋白同紅色晶瑩剔透嘅糖片，睇得又食得。 我地將個拿破崙切開三份， 竟然都冇散開喎,次次食餐拿破崙都會食到通枱係，所以真係好難得。
第二個甜品係芒果班戟($56)，呢個班戟好好味，個pancake皮好軟熟，上面淋咗d芒果醬汁，入面有鮮芒果肉，忌廉同朱古力脆脆，口感好豐富。仲有芒果雪糕，食落有啲似芒果乳酪，各位芒果迷一定唔可以miss呢一道甜品啊！
第三樣甜品係朱古力心太軟加自選酒心(三選一:Bailey,橙酒，士多啤酒酒同朗娒酒)，哈哈，我估朗娒酒應該係Rum酒卦~~ 今次揀咗Bailey's 。食之前將酒吱入蛋糕裏面，一切開朱古力流心就好似溶岩咁流出黎。朱古力味好濃郁，唔太甜，心太軟外面焗得好脆，絕對無出色之作！加上曲奇雪糕，冷熱交替咁食，正~
我地三個傾傾傾，地方好坐，真係坐幾耐都得呀～店員好nice,不斷會幫我地加水。我地細聲講，大聲笑，真係好開心。下次再想食甜品，一定會再黎Next station Dessert。希望可以再試埋其他甜品呀~
張貼