Simplylife Bakery Cafe (已搬遷) 新店位置

嗰朝同屋企人諗住去食個brunch 所以近近地去左simply life 雖然好多人但我覺得值得等 其實已經去過幾次 我覺得嗰度嘅食物都唔錯 所以先會再去😁我地全部都飲蘑菇湯 個湯真係落重蘑菇 呈深灰色 好香蘑菇味 個質感比較thick 佢仲有法包比你同湯一齊享用 我地叫左個煙肉蕃茄意粉 啲蕃茄食落好新鮮但啲煙肉就有啲肥 意份嘅口感唔錯 軟硬適中仲有一個牛肉芝士burger 好厚同埋食得出佢個漢堡係自制嘅 所以好好味 伴碟有個烤過但仍然係生嘅洋蔥同蕃茄 個burger配有薯條 啲薯條係粗身嗰種 熱辣辣所以好好味另外一樣係啤酒炸魚薯條 個魚食落有陣陣啤酒嘅香味 再配薯條一齊食真係好似係英國食fish n chips咁我地都飲apple iced tea 都幾有果味 其實我個人黎講都幾鐘意果茶 所以佢嗰度個grapefruit iced tea我都好鐘意到甜品那 我地叫左個brownie同lemon cheese cake 兩樣都非常正 唔會太甜 唯一一樣唔好就係雪如個brownie硬哂 整體種黎講我覺得simply life嘅價錢合理 樣樣嘢都好對板😊