Ulyssa by Aldou (已結業)

難得星期六放假，約咗朋友到茘枝角行下街，扮下文青。雖然約咗兩點，但大家都未食飯嘅緣故就決定先醫肚再行街消化。本身有諗過貪就腳喺D2 Place入面是但搵一間嘢食，但好似食嚟食去都係嗰啲，所以最後都係周圍搵下有咩工廠隱藏美食。喺一輪探索中，我哋決定到距離D2 Place不遠嘅Ulyssa by Aldou食嘢。一出電梯就已經見到餐廳嘅易拉架，轉左手邊就喺餐廳喇，非常易搵!出電梯後都幾靜，諗住餐廳都會少人啦，點知都幾Full! 所以諗住星期六日嚟食嘢嘅話我諗最好都係訂定位先喇!我同朋友分別叫咗同埋 跟餐湯。落單後好快就先上咗蕃茄湯同包。湯同包份量剛剛好，唔會多到令你好快就飽曬食唔落嘢。個湯酸酸地，最啱夏天咁熱可以開胃。飲完湯就上主菜喇!All day breakfast好豐富，有炒蛋、烘蒜蓉包、薯餅、蘑菇、茄汁豆、煙三文魚、菜同埋水果。雖然我哋好後先食塊薯餅，但都仲係好脆!鱈魚扒同樣地都係煎得好脆。嗰醬汁幾有驚喜，少少酸又有少少辣，十分惹味。食物味道同埋賣相都好好，而且坐得都舒服，百零蚊左右一個人十分唔錯!