NOC Coffee Co. (已結業)

週末，好鍾意自己個人漫無目的咁，由上環漫步去到中環，沿途總會有啲小驚喜，就好似今日咁。行到去歌賦街即刻眼前一亮，白雪雪嘅外牆，透過玻璃門可以見到裡面簡潔嘅裝修，一睇原來係NOC 新開嘅中環分店。舖頭無論內外都裝修得非常之簡潔，基本以白色同灰色為主，簡單得嚟又舒服。老細可謂將簡潔進行到底，舖頭嘅凳就用咗石屎階級加坐墊嚟代替，夠曬特別。落完Order後，隨即有靚仔Barista勁用心咁為你手沖咖啡，杯咖啡應該會甜到漏：）- White M（$38）拉花夠靚仔，奶泡豐滿幼滑又唔易散；咖啡豆香而且味濃，奶味又唔會過重，味道相當平衡。