丼瀛 (已結業)

好耐都冇去食日本餐啦，特別係喺疫情之下，限聚令令我平時真係好少出去食，今次經過觀塘，見到呢一間日本餐廳都幾多人排隊，於是就跑左去試一試，價格都幾好，而且都幾好食，算得上價廉物美。首先叫咗一個丼瀛特選丼，幾好食，上面有唔少嘅刺身，啲魚生幾新鮮，係一個唔錯嘅魚生飯。然後叫咗個豚肉鍋物，壽喜燒嗰隻，都唔錯，其實就係用特製醬汁煮過嘅豚肉，個湯底幾好食，豚肉都幾鮮嫩。然後都有叫左兩杯嘢飲，巨峰提子梳打同埋百香果梳打，顏色唔錯口感都唔錯。