Lady M

營業中

休息中

閒日三點幾時去到買外賣， 店內只得兩三檯客， 生意一般。我嚟買外賣，我揀咗兩件蛋糕，分別係 軟心黑朱古力千層蛋糕 同埋 法式士多啤梨千層酥， 千層蛋糕係必食，又見到佢係新推介，所以order 咗。千層蛋糕水準同過往都差唔多， 呢款黑朱古力千層蛋糕 係有濃郁酒嘅，如果小朋友未必啱口味， 整體上 朱古力味都算香濃🍫，中間有好滑嘅朱古力層。 法式士多啤梨千層酥分別有三層酥餅 (頂層、中間、底層)， 中間有士多啤梨層 配上cream，有驚喜 🥰， 忌廉質地 鬆軟滑溜，再配搭清新嘅士多啤梨肉🍓， fresh 感覺出曬嚟，而且忌廉打發得好輕型，整體上不太甜，再配合起鬆餅有唔同口感，cream軟綿綿又有啲鬆脆 酥皮，我覺得畀千層蛋糕更好味😍。