影片
更多
2009-10-08
10 瀏覽
4日大假過後，魂魄未齊，肉身已9:00坐定辦公室。老闆放大假未返，當然要同同事仔cc去食返餐安樂茶飯賀賀佢。之前睇電視，見到盧覓雪有介紹過At corner，幾近公司，又係米芝蓮推介，一於去試試。一入去，waiter 態度幾好，熱情招待，唔錯。可能因為早，未係太多人，我地獲安排坐窗口位，個view真係幾唔錯，望住維港食野，心情都舒暢d。Lunch 都幾多選擇，樣樣睇落都幾好咁，花多眼亂。我同cc都鍾意食魚，我揀左「銀雪魚西京燒定食」，$108; cc 揀左「鍋燒魚湯海鮮烏冬定食」，$78。Waiter哥哥話加$1有自助沙律吧，幾抵，於是我地就加埋。沙律d 料好新鮮，畢下畢下畢左勁大碟，哈哈~沙律食完，主角上場。我個銀雪魚西京燒有2大塊，都幾厚肉，食落好鮮甜，值回票價。漬物味道比預期中好，唔錯~Cc o個個海鮮烏冬又幾足料喎，有蝦、帶子、蜆肉同魚，湯底鮮味一般，不過以呢個價錢、食呢個環境黎講就算係好抵。甜品有提子雪糕，cc 話好味，我覺得都唔錯，不過如果係芝麻就更好喇~座位唔迫，環境舒服，靚海境，適合有時間坐低傾計慢慢食，應該會再去。見隔離檯個和牛陶板燒好似幾正，下次去試下~
一入去，waiter 態度幾好，熱情招待，唔錯。可能因為早，未係太多人，我地獲安排坐窗口位，個view真係幾唔錯，望住維港食野，心情都舒暢d。
Lunch 都幾多選擇，樣樣睇落都幾好咁，花多眼亂。我同cc都鍾意食魚，我揀左「銀雪魚西京燒定食」，$108; cc 揀左「鍋燒魚湯海鮮烏冬定食」，$78。Waiter哥哥話加$1有自助沙律吧，幾抵，於是我地就加埋。沙律d 料好新鮮，畢下畢下畢左勁大碟，哈哈~
沙律食完，主角上場。我個銀雪魚西京燒有2大塊，都幾厚肉，食落好鮮甜，值回票價。漬物味道比預期中好，唔錯~
Cc o個個海鮮烏冬又幾足料喎，有蝦、帶子、蜆肉同魚，湯底鮮味一般，不過以呢個價錢、食呢個環境黎講就算係好抵。
甜品有提子雪糕，cc 話好味，我覺得都唔錯，不過如果係芝麻就更好喇~
座位唔迫，環境舒服，靚海境，適合有時間坐低傾計慢慢食，應該會再去。見隔離檯個和牛陶板燒好似幾正，下次去試下~
張貼
