凡 (已結業)

上星期同朋友去咗尖沙咀嘅「凡」食OMAKASAE，日本師傅親手做嘅食物好有去旅行嘅感覺。我地叫咗$880嘅餐(另加一)，食物種類繁多，呢一餐真係好豐富呀！前菜5種盛り前菜5款盛合前菜擺盤好精緻，師傅好有心機。我最中意嘅係紅酒煮巨峰，好入味，酸酸地好開胃。另外秋刀魚都好特別，我好中意佢嗰個汁。水菜都茄子都好味。お造り 5種盛り刺身5款盛合分別有牡丹蝦，真鯛魚，帶子，吞拿魚，三文魚。全部都好新鮮，好好味。我最中意鮮甜嘅帶子，海水加上檸檬一流。牡丹蝦好彈牙爽口，魚生都好厚。焼肴燒魚燒北寄貝連大大個貝殼放咗喺一堆好厚嘅粗鹽上，賣相好吸引。貝殼入邊有湯，充滿鮮味嘅海鮮味。強肴3種煮物3款有芝士豆腐，鱈魚白子同埋醃鮑魚。一樣擺得好靚，芝士蛋糕好滑好滋味仲有海膽作為點綴，白子夠曬美顏，鮑魚好彈。肉皿肉類師傅做咗一份和牛燒俾我地兩個分，份量好多啲肉用咗甜醬好入味。和牛放咗喺葉上面，有特別嘅味道。温菜温菜白子茶碗蒸，口感非常細滑。食事飯食鯖棒壽司加咗啲紫蘇花，好香口。汁湯呢個個湯好清澈，另外湯入面仲有蘿蔔絲菠菜麵，好飽暖呀！水菓子甜品最得食返個甜品，有新鮮嘅生果同煙韌嘅蕨餅。大滿足！