影片
港鐵尖沙咀/尖東站 L5 出口, 步行約2分鐘
繼續閱讀
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
食家推介
前菜5款盛合，前菜盛合分別有椰菜醃蘿蔔魷魚沙律、麻醬牛蒡、鰹魚汁煮蔬菜、麵豉醬海藻同埋磯煮鮑魚海蝦多春魚，魷魚沙律味道清甜，牛蒡上炸香咗嘅獨子蒜片令人驚喜，鰹魚汁煮蔬菜同麵豉醬海藻穏打穏扎，磯煮鮑魚相當入味，海蝦新鮮，多春魚以日本醬油調味，係口味最為濃重嘅一道。刺身5款盛合，刺身盛合有牡丹蝦、帶子、三文魚、魷魚同埋金目鯛，金目鯛魚肉結實爽口，帶子極度鮮甜，魷魚新鮮，膠質重得不可開交。燒三文魚、魚肝、菜心，本身師傅喺席前準備嘅時候仲以為個魚肝係豆腐，一啖入口肝味香濃，相當驚艷，三文魚燒得香脆，同清甜嘅菜心夾住食就啱哂。煮物三款：白子配香菇豆腐，海膽白飯魚，汁煮翡翠螺；印象中白子我未曾試過熟食，今次以汁煮熟食個感覺又好唔同，煮熟後白子獨有嘅味道淡咗，但係依然保持住嗰隻超然滑溜嘅口感，香菇同豆腐攪勻，切成丁方同炸，口感酥脆；白飯魚有別於平時出面食到嗰個物種，呢度嘅魚身寬濶好多，口感獨特，有如秋葵，同海膽嘅甘香味道起到一個化學作用。慢煮牛舌，牛舌煮得極度軟嫰，本身嘅味道已經恰到好處，若然再點一點蘿蔔上面嘅芥辣，簡直係錦上添花；車厘茄酸度較高，以有被醋漬過嘅痕跡；蘿蔔炆得好腍好入味，只係用條脷頂已經化開，好耐無食過炆得咁正嘅蘿蔔喇。京蔥日本牛，日本牛油脂豐富，雪花均勻，相當高質，醬汁有啲似叉燒醬嘅味道，不過無咁鹹同埋有少少甜味，配合京蔥實屬最好不過。鰹魚湯綠茶蕎麥麵，蕎麥麵彈牙，同鰹魚湯從來都係係絕配，充滿住日本嘅風味。甜品有士多啤梨、提子、日本柿同埋紅豆蕨餅，紅豆夠哂腍，係我鍾意嘅少甜味道，配以蕨餅彈牙嘅口感，為今晚畫上一個完滿嘅句號。
繼續閱讀
呢間凡，由日本師傅主理，店內只有６個位，而佢都係 one man band 兼師傅洗碗同樓面，當日我地有4個人，依家即刻介紹當日食咗咩啦~ 成程基本上師傅都只係好用心咁預備食材(可能佢只係識日文啦，如果識日文既朋友應該可以盡情同師傅傾計！） 餐廳晚市有 2 款 menu： $880 同 $680 我地揀左 $880，包 5 款前菜/5款刺身/煮物/肉類/溫菜/飯食/甜品📍前菜五點分別係醃脆牛蒡/菠菜金菇/ 鮑魚大蝦夠彈牙，魚肉鮮甜，每樣都好精緻，食完好開胃~📍刺身五點有金目鯛牡丹蝦魷魚帶子同三文魚，全部都肥美肉厚好新鮮📍燒魚我地嗰日係燒三文魚腩，外皮燒得香脆但肉身依然好軟稔juicy 嘅鮮嫩，另外配菜係菜心苗加蟹膏豆腐，蟹膏豆腐蟹味超香濃～ 📍煮物三款白子配魚糕，今次係我第一次試熟咗既白子，而且係無用任何調味，味道未算好腥，但我依然係需要一點調味了(!) /原隻翡翠螺既螺肉好鮮味爽口彈牙~ 最後既生白飯魚配薑蓉醬汁，食落口感好特別，而且一啲都唔腥📍肉類呢個係本飛驒嘅傳統料理，師傅用朴葉做器皿，牛肉會吸收咗朴葉獨香味，師傅將麵豉醬同和牛搞拌，但我就覺得味道偏濃，如果少啲醬汁更可以突出牛既味道📍溫菜汁煮牛脷既牛脷厚切入口軟腍，再加埋個湯既蘿蔔番茄一齊黎食感覺剛好📍飯食係蕎麥麵麵條有彈勁，食完就已差唔多八成飽了📍甜品係黃豆蕨餅配紅豆同士多啤梨、富有柿同埋青提，樣樣都鮮甜多汁呢~~
繼續閱讀
之前喺尖沙咀食過一間性價比甚高嘅Omakase 呢一間 【凡Fan】位於尖沙咀漢口道可能食嗰陣仲未完全通關 所以都比想像中容易訂位餐廳的廚師法辦價套餐錢親民$880／ $680 就可以享受到餐廳有家庭式嘅感覺 眼看只有五六個座位約埋三五知己來隨時可以包場《前菜五款盛合》 賣相別緻由味道最淡嘅前菜講起【鰹魚汁煮蔬菜】 預先預備好嘅鰹魚汁蔬菜非常之爽口食落非常爽脆【磯煮鮑魚海蝦】 口感煙韌滲出淡淡嘅醬油香 毫不掩蓋海鮮的那份鮮甜【醃椰菜蘿蔔魷魚沙律】 帶點酸酸的味道 非常清新【麻醬牛蒡】 將牛蒡切成簿片 口感爽嫩再加上味道濃郁嘅芝麻醬汁【麵豉醬海藻】 算是五款前菜中最濃味的一款味道特別 帶點鹹香 但又不是死咸為味蕾打響頭炮《刺身5款》 師傅會根據供應每日提供不同款式的刺身【牡丹蝦，帶子，三文魚，魷魚，同金目鯛】金目鯛刺身魚肉結實 爽口魚油味不算豐富 但勝在甜美當晚的《燒魚》是【燒三文魚】三文魚扒預先搽上甜麵鼓醬燒起來帶點焦香配合埋【滑溜的魚肝和菜心】伴菜集合嫩滑 綿滑 爽口於一身《煮物三款》：【白子配蔬菜豆腐】， 【海膽刺身魚仔】，【翡翠螺】煮物算是過場的一環味道清清地 令味蕾稍作休息白子味道淡雅 魚油味溢出海膽刺身魚仔 口感滑嫩《肉類》 喺味道比較濃郁嘅【香葉燒和牛】大廚在香葉上面放上咗和牛以及特製嘅醬汁再包裹住 慢慢燒烤香葉嘅氣息滲入和牛之中和牛油脂豐富 入口即溶加上美味嘅醬汁 非常開胃《溫菜》有【汁煮牛舌】 配菜有大根同車厘茄牛舌炆得非常之軟淋用咗類似關東煮嘅湯底 鮮甜味美加上一抹芥辣 提味又醒神車厘茄酸味十足 十分清新而且圓碌碌 賣相別緻《食事》 一款簡單嘅綠茶麵條輕輕滲出鰹魚汁湯底嘅氣息《甜品》 有時令嘅水果香印提子 士多啤梨 以及柿子帶出出而不華嘅感覺加埋黃豆粉蕨餅煙韌中品嚐到黑糖的香甜由於主理嘅係日本廚師限於語言障礙 溝通唔算好多但從細節上 看出大廚的那份細緻及廚藝價錢又親民 實在值得支持
繼續閱讀
喺尖沙咀有一間名為凡，佢哋係新開專做omakase嘅日本餐廳，佢哋入面只係得一個嚟自日本嘅師傅，而店內所有嘅事務都係由佢一手包辦。擺盤好精美嘅前菜五點，入面嘅醃牛蒡口感清爽，菠菜金菇味道好清新，而鮑魚夠彈牙，蝦肉鮮甜，令人印象好深刻。刺身五點：分別有魷魚、帶子、三文魚、金目鯛同埋牡丹蝦。款款都係非常新鮮，尤其帶子同牡丹蝦，口感彈牙爽口之餘仲好鮮甜。燒魚：是日係燒三文魚腩，雖然燒得非常香口，但仍然保持魚肉嘅鮮嫩，魚肉肉汁仍然好豐富，魚油香味滿滿。而配菜有菜心苗同埋蟹膏豆腐，可以有效減低魚肉嘅油膩感。三款煮物：白子配魚糕：白子無用任何調味，但仍能做到無腥味，而魚糕口感豐富，同白子一齊食口感會更特別。原隻翡翠螺：螺肉鮮味，肉質彈牙。白飯魚：配埋薑蓉同秘製醬汁，食落爽口，味道因為薑蓉而變得惹味。汁煮牛脷：牛脷煮得好軟腍，又夠哂入味，就算用上厚切處理，仍然做到軟嫩嘅口感，而配菜有蘿蔔、去皮嘅番茄，全部都經已煮得好入味。朴葉味噌燒係日本飛驒嘅傳統料理，尤其配上高級嘅和牛，立馬變成人間美味。用朴葉作器皿可以為牛肉增添朴葉獨有嘅香味，味噌經過燒烤，同牛肉味道好夾，如果有埋碗飯就仲正。麵食係一碗熱辣辣嘅蕎麥麵，麵嘅口感彈牙，而湯底因加咗七味粉而變得惹味。口感Q彈嘅黃豆蕨餅配紅豆，仲有日本嘅時令水果。水果有酸甜嘅士多啤梨、清爽口感嘅富有柿同埋香甜嘅青提，可以為呢餐飯作出一個完美嘅句號。
繼續閱讀
晚市Omakase 有兩個套餐，$680或$880 一位，我揀咗$880一位。$880套餐包括：前菜五款盛合刺身五款盛合燒魚煮物三款肉類温菜飯食湯甜品坐低有熱茶供應。聽聞師傅係日藉廚師，唔識廣東話。點完餐之後食物就會一道一道咁上。刺身有帶子、吞拿魚、蝦等。蝦幾鮮味，爽爽口感。帶子又幾鮮甜。估唔到有啲鵝肝，配上荷蘭豆。鵝肝林林地入邊幾香，而且仲有白蘿蔔。有酒先煮味嘅白只，蟹膏蟹肉豆腐。牛肉大大塊，口感綿滑，配上濃香日本醬汁，好似甜甜麵豉味。最後仲有蕎麥麵，麵綠色，麵質爽口。甜品又清甜密瓜、士多啤梨。另外仲有黃豆粉嶡餅。
繼續閱讀