影片
更多
2021-12-13
3079 瀏覽
一間好有日本感覺嘅中環居酒屋，位置方便，唔算難訂位。重點係冇限時，唔會食到趕頭趕命👍🏻酒道選擇多，啤酒、清酒、果酒任君選擇。8點前落order 仲有買一送一，好抵飲。連獺祭、鍋島都有買一送一🤩正！記得慢慢食，坐到9點有傳統燒魚表演，食客會一齊為師傅打打氣💪🏻💪🏻氣氛一流😂燒完仲會分比客人食，免費嫁😻 食物選擇豐富，有啲仲好特別添👏🏻———————————必點好味推介如下和牛三文治 $268 和牛鬆軟有油香🤤係外賣一般賣緊350-400。呢到$268就食到，仲要係好食既楓糖芝士拌薄脆/多士 $68 好特別嘅一個送酒小食，芝士味道非常近似忌廉，配合楓糖漿搽上麵包多士，甜甜地，好味到讚不絕口😂外面食唔到㗎滿足壽司 $158 日本居酒屋常見嘅壽司，有特色，材料新鮮，但刺身部份更豐富就好了刺身（5點）$88/位 新鮮，抵食，伴清酒必點炸蟹仔 $48 好特別😂平時炸蝦炸魚就食得多，炸蟹仔真係第一次，而且價錢唔貴，份量多。送酒好啱！燒飯團（三文魚籽）$42 三文魚籽新鮮，飯團有焦香，價錢合理特製雪糕三文治（雲呢拿味）$58 將雪糕收藏係類似法式長棍麵包裏面，麵包外層硬硬地，一啖咬落去，雪糕會令麵包變
酒道選擇多，啤酒、清酒、果酒任君選擇。8點前落order 仲有買一送一，好抵飲。連獺祭、鍋島都有買一送一🤩正！
記得慢慢食，坐到9點有傳統燒魚表演，食客會一齊為師傅打打氣💪🏻💪🏻氣氛一流😂燒完仲會分比客人食，免費嫁😻
食物選擇豐富，有啲仲好特別添👏🏻
———————————
必點好味推介如下
和牛三文治 $268
和牛鬆軟有油香🤤係外賣一般賣緊350-400。呢到$268就食到，仲要係好食既
楓糖芝士拌薄脆/多士 $68
好特別嘅一個送酒小食，芝士味道非常近似忌廉，配合楓糖漿搽上麵包多士，甜甜地，好味到讚不絕口😂外面食唔到㗎
滿足壽司 $158
日本居酒屋常見嘅壽司，有特色，材料新鮮，但刺身部份更豐富就好了
刺身（5點）$88/位
新鮮，抵食，伴清酒必點
炸蟹仔 $48
好特別😂平時炸蝦炸魚就食得多，炸蟹仔真係第一次，而且價錢唔貴，份量多。送酒好啱！
燒飯團（三文魚籽）$42
三文魚籽新鮮，飯團有焦香，價錢合理
特製雪糕三文治（雲呢拿味）$58
將雪糕收藏係類似法式長棍麵包裏面，麵包外層硬硬地，一啖咬落去，雪糕會令麵包變得鬆軟，同時增加口感，味道出奇地咁好😋有雲呢拿味同綠茶味可以選擇，一定要試吓
張貼
