111
26
11
等級3
45
0
No Service !
2013-04-27 2134 瀏覽
見放假諗住帶老豆去尖沙咀飲茶, 點知揀咗間差嘅...!第一次去呢間食, 之前聽個同學去過飲早茶都話 ok , 所以先黎試下個下午茶, 點知...一坐低招呼我地個待應已經唔係好面口, 沖咗壺茶又放到遠一遠, 差不多要起一起身先拎到嘅地方, 幾次都係咁 到叫野食專登諗住叫另一個待應, 點知佢昅到兇兇地咁問"要咩?!"到啲點心黎到, 又唔覺得好好, 又話即叫即整, 十分鐘後黎嘅第一碟叉燒酥係一啲暖都無, 不過算喇, 我好餓所以都食咗先之後小籠包, 一睇已經知係蒸咗好耐嘅樣, 仲要個個小籠包嘅底都已經有少少爛無晒啲湯汁 潮州粉果, 味道上無問題, 只係個皮好厚, 連我今日去屋企附邊嘅街坊茶樓都仲薄皮過佢.... 之後諗住加碗鴨腿湯麵食, 當果個待應準備落單果時, 另一個經理話無晒鴨腿, 個待應即刻問我"咁轉飯好無?"我 o 晒嘴, 轉飯都係無鴨腿架啦, 玩我咩.... 最尾叫咗三宝飯, 反而個三宝飯係成餐最好食, 叉燒又稔, 雞又唔算好肥, 又幾滑坐咗咁耐, 我發覺一直負責我地張枱個待應對其他熟客同外地人係特別好面好, 唔通一開始就睇我地唔順眼?!
更多
見放假諗住帶老豆去尖沙咀飲茶, 點知揀咗間差嘅...!

第一次去呢間食, 之前聽個同學去過飲早茶都話 ok , 所以先黎試下個下午茶, 點知...

一坐低招呼我地個待應已經唔係好面口, 沖咗壺茶又放到遠一遠, 差不多要起一起身先拎到嘅地方, 幾次都係咁


到叫野食專登諗住叫另一個待應, 點知佢昅到兇兇地咁問"要咩?!"

到啲點心黎到, 又唔覺得好好, 又話即叫即整, 十分鐘後黎嘅第一碟叉燒酥係一啲暖都無, 不過算喇, 我好餓所以都食咗先

之後小籠包, 一睇已經知係蒸咗好耐嘅樣, 仲要個個小籠包嘅底都已經有少少爛無晒啲湯汁


潮州粉果, 味道上無問題, 只係個皮好厚, 連我今日去屋企附邊嘅街坊茶樓都仲薄皮過佢....

之後諗住加碗鴨腿湯麵食, 當果個待應準備落單果時, 另一個經理話無晒鴨腿, 個待應即刻問我"咁轉飯好無?"

我 o 晒嘴, 轉飯都係無鴨腿架啦, 玩我咩.... 最尾叫咗三宝飯, 反而個三宝飯係成餐最好食, 叉燒又稔, 雞又唔算好肥, 又幾滑

坐咗咁耐, 我發覺一直負責我地張枱個待應對其他熟客同外地人係特別好面好, 唔通一開始就睇我地唔順眼?!
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2013-04-26
    用餐途徑
    堂食
    人均消費
    $70 (下午茶)