蓮．越泰坊

營業中

休息中

食個lunch食到一肚火， 等得耐之於、又洩嘢、 仲要服務超差。 我地係嚟間餐廳叫佐4樣嘢，包括..冬蔭公豆腐海鮮湯、 烤雞青咖哩配油酥餅、 軟殻蟹紙米卷。 首先第一樣嘢就先嚟油酥餅， 但個咖哩就等佐1個鐘先嚟到， 酥餅由鬆起都變扁晒囉😖。 之後個冬蔭公湯嚟佐， 但就無海鮮係裡面， 問侍應....佢話未有海鮮咩！！ 過佐一陣佢就係廚房拎佐一碗汋佐嘅海鮮俾我地倒落湯度， 好明顯佢洩佐， 唔問佢都唔會話我地知囉😡😡。 最後食晒所有嘢， 個紙米卷都未到， 之前已經追單過幾次，但等佐半個鐘左右都未到， 最後都火滾地取消佐佢， 佢完全無諗過幫我地跟進， 仲叫我地取消啦！ 有無咁差服務先， 我相信我唔會再嚟食囉。